జనవరి 2025 రాశి ఫలాలు - వృశ్చిక రాశి - జనవరి నెల వృశ్చిక రాశి జాతకం

వృశ్చిక రాశి January జనవరి 2025 రాశి ఫలములు

Vrischika Rashi Rashiphalalu January 2025

జనవరి నెలలో వృశ్చిక రాశి వారికి ఆరోగ్యం, విద్య, ఉద్యోగం, ఆర్థికస్థితి, కుటుంబం మరియు వ్యాపారం ఫలితాలు గోచారం ఆధారంగా

వృశ్చిక రాశి, రాశి చక్రంలో ఎనిమిదవ రాశి. ఇది రాశియొక్క 210 వ ' 240వ డిగ్రీలను కలిగి ఉంటుంది. విశాఖ (4 వ పాదం), అనూరాధ (4 పాదాలు), జ్యేష్ఠా (4 పాదాలు) ల కింద జన్మించిన వ్యక్తులు వృశ్చిక రాశి పరిధిలోకి వస్తారు. ఈ రాశి అధిపతి కుజుడు.

వృశ్చిక రాశి - జనవరి నెల రాశి ఫలాలు

జనవరి 2025 నెలలో వృశ్చిక రాశి గ్రహ గోచారం

సూర్యుడు
మీ రాశికి 10వ ఇంటి అధిపతి అయిన సూర్యుడు ఈనెల 14వ తేదీ వరకు 2వ ఇల్లైన ధనస్సు రాశిలో సంచరించి, ఆ తర్వాత 3వ ఇల్లైన మకర రాశిలోకి ప్రవేశిస్తాడు.

బుధుడు
మీ రాశికి 8వ మరియు 11వ ఇండ్ల అధిపతి అయిన బుధుడు ఈనెల 4వ తేదీ వరకు 1వ ఇళ్లైన వృశ్చిక రాశిలో సంచరించి, ఆ తర్వాత 2వ ఇల్లైన ధనస్సు రాశిలోకి ప్రవేశిస్తాడు, తిరిగి ఈ నెల 24వ తేదీన 3వ ఇల్లైన మకర రాశిలోకి ప్రవేశిస్తాడు.

శుక్రుడు
మీ రాశికి 7వ మరియు 12వ ఇండ్లకు అధిపతి అయిన శుక్రుడు ఈనెల 28వ తేదీ వరకు 4వ ఇల్లైన కుంభరాశిలో సంచరించి, ఆ తర్వాత 5వ ఇల్లు, తన ఉచ్ఛ రాశి అయిన మీన రాశిలోకి ప్రవేశిస్తాడు.

కుజుడు
మీ రాశ్యాధిపతి మరియు 6వ ఇంటి అధిపతి అయిన కుజుడు, వక్రగతుడై ఈ నెల 21వ తేదీ వరకు తన నీచ రాశి మరియు 9వ ఇల్లు అయిన కర్కాటక రాశిలో సంచరించి, ఆ తర్వాత 8వ ఇల్లైన మిథున రాశిలోకి ప్రవేశిస్తాడు.

గురుడు
మీ రాశికి 2వ మరియు 5వ ఇండ్లకు అధిపతి అయిన గురువు వక్ర గతుడై ఈ నెలలో కూడా 7వ ఇల్లైన వృషభ రాశిలో తన ప్రయాణాన్ని కొనసాగిస్తాడు.

శని
మీ రాశి నుంచి 3వ మరియు 4వ ఇండ్లకు అధిపతి అయిన శని ఈ నెలలో కూడా 4వ ఇల్లైన కుంభ రాశిలో తన ప్రయాణాన్ని కొనసాగిస్తాడు.

రాహువు
రాహువు 5వ ఇల్లైన మీన రాశిలో ఈ నెల కూడా తన ప్రయాణాన్ని కొనసాగిస్తాడు.

కేతువు
కేతువు 11వ ఇల్లైన కన్య రాశిలో ఈ నెలలో కూడా తన ప్రయాణాన్ని కొనసాగిస్తాడు.

ఈ నెల మీకు మంచి ఫలితాలను ఇస్తుంది. వ్యక్తిగతంగా మరియు వృత్తిపరంగా సంతృప్తికరమైన సమయం గడపగలుగుతారు.

జనవరి 2025 నెలలో ఉద్యోగస్తులకు ఎలా ఉంటుంది?

మీ వృత్తిలో మార్పు లేదా పదోన్నతి సూచించబడుతోంది. మీరు చేపట్టిన పనులు విజయవంతంగా పూర్తి చేయగలుగుతారు మరియు మీరు చేసిన పనిని మీపై అధికారులు మెచ్చుకుంటారు. ఈ నెల ద్వితీయార్థంలో మీ ఉద్యోగానికి సంబంధించి ఒక చిన్న ప్రయాణం కూడా ఉంటుంది. ప్రథమార్ధంలో ఉన్న పని ఒత్తిడి ద్వితీయార్థంలో తగ్గిపోతుంది, మరియు పెండింగ్ పనులు పూర్తవుతాయి. కొత్త ఉద్యోగం కోసం ప్రయత్నిస్తున్న వారు లేదా ఉద్యోగ మార్పు కోరుకునే వారు, ఈ నెలలో అనుకున్న ఫలితాలను పొందగలరు. అయితే కుజుని గోచారం చివరి వారంలో అనుకూలంగా ఉండకపోవటం వలన ఉద్యోగంలో ఆకస్మిక మార్పులు చోటు చేసుకునే అవకాశం ఉంటుంది. ఈ సమయంలో వీలైనంతవరకు ఓపికగా ఉండటం వలన మరియు చేపట్టిన పదవిని నిజాయితీగా నిర్వహించడం వలన అది మీ భవిష్యత్తుకు సహాయపడుతుంది.

జనవరి 2025 నెలలో ఆర్థిక పరిస్థితి ఎలా ఉంటుంది?

ఈ నెల ఆర్థికంగా చాలా మంచి ఫలితాలను ఇస్తుంది. ఈ నెల ప్రథమార్ధంలో మీ ఆదాయంలో పెరుగుదల కనిపిస్తుంది, అలాగే పెట్టుబడుల ద్వారా లాభాలు కూడా పొందగలుగుతారు. పెట్టుబడులకు ఇది అనుకూలమైన నెల. దీర్ఘకాల పెట్టుబడులు చేయాలనుకుంటే, ఈ నెలలో రెండవ వారం తర్వాత చేయడం లాభదాయకం. ఈనెల చివరి వారంలో అనుకోని ఖర్చులు చేయాల్సి రావచ్చు కాబట్టి మొదటి వారాల్లో డబ్బు పొదుపు చేయటం మంచిది. దాని కారణంగా ఆ తర్వాత వచ్చే ఖర్చులను తట్టుకోగలుగుతారు.

జనవరి 2025 నెలలో ఆరోగ్య పరిస్థితి ఎలా ఉంటుంది?

ఆరోగ్యంగా మీరు ఈ నెలలో మంచి సమయాన్ని గడపగలుగుతారు. గత కొంతకాలంగా ఉన్న ఆరోగ్య సమస్యల నుంచి కోలుకుంటారు. కానీ, మీ కోపాన్ని మరియు భావోద్వేగాలను నియంత్రించుకోవడం అవసరం. ఎందుకంటే, ఇవి కొన్ని ఆరోగ్య సమస్యలను కలిగించవచ్చు. సరైన ఆహారం, యోగ సాధన, మరియు విశ్రాంతి తీసుకోవడం ఆరోగ్య పరంగా మీకు మేలు చేస్తుంది. ఈ నెల చివరలో ఎముకలు లేదా రక్తానికి సంబంధించిన ఆరోగ్య సమస్యలు మిమ్మల్ని ఇబ్బంది పెట్టవచ్చు కాబట్టి జాగ్రత్తగా ఉండటం మంచిది.

జనవరి 2025 నెలలో కుటుంబ పరిస్థితి ఎలా ఉంటుంది?

ఈ నెల కుటుంబ అనుకూలతను చూపుతుంది. కుటుంబ సభ్యుల నుండి మంచి మద్దతు పొందగలుగుతారు. మీ పిల్లలు ఆశించిన విద్యాసంస్థలో ప్రవేశం పొందగలుగుతారు మరియు వారి చదువుల్లో విజయాలు సాధిస్తారు. కుటుంబంలో సంతోషకరమైన వాతావరణం నెలకొంటుంది. మీ జీవిత భాగస్వామి నుంచి మీకు మంచి సహకారం లభించడం వలన మీరు వృత్తిపరంగా మరియు వ్యక్తిగతంగా వాయిదా పడుతున్న పనులను పూర్తి చేసుకోగలుగుతారు. మీ కుటుంబ సభ్యులతో కలిసి ఈ నెల ద్వితీయార్థంలో ప్రయాణాలు చేసే అవకాశం ఉంటుంది.

జనవరి 2025 నెలలో వ్యాపారస్తుల పరిస్థితి ఎలా ఉంటుంది?

వ్యాపారస్తులకు ఈ నెల మంచి వ్యాపార వృద్ధిని ఇస్తుంది. మీ వ్యాపారంలో కొంత విస్తరణ సూచన ఉంది. కొత్త పెట్టుబడులు లేదా వ్యాపార విస్తరణ కోసం మీరు ఆలోచిస్తున్నట్లయితే, ఈ నెల రెండవ వారం తర్వాత ప్రారంభించడం మంచిది. వ్యాపారంలో మరింత పురోగతి సాధించాలంటే, మీ ప్రణాళికను పాటించండి మరియు ఖర్చులను గమనించి ముందుకు సాగండి. చివరి వారంలో అనుకోని ఖర్చులు రావడం కానీ వాహనం లేదా వ్యాపార భవనానికి సంబంధించిన మరమ్మతులకు డబ్బు ఖర్చు పెట్టాల్సి రావటం కానీ జరుగుతుంది. అలాగే గతంలో తీసుకున్న లోన్లు కానీ చేసిన అప్పులు కానీ ఈ నెలలో తిరిగి చెల్లించాల్సి రావచ్చు.

జనవరి 2025 నెలలో విద్యార్థుల పరిస్థితి ఎలా ఉంటుంది?

విద్యార్థులకు ఈ నెల అనుకూలంగా ఉంటుంది. వారు చదువులో మరియు పోటీ పరీక్షల్లో మంచి ఆసక్తిని ప్రదర్శిస్తారు. కొంతమంది విద్యార్థులకు ఆశించిన ఫలితాలను సాధించడంలో కొన్ని ఆటంకాలు ఎదురవవచ్చు. కానీ, కృషి మరియు పట్టుదల ద్వారా వారు విజయాన్ని సాధించగలుగుతారు. ఉపాధ్యాయుల సూచనలు పాటించడం ద్వారా మంచి ఫలితాలను పొందవచ్చు.

Please Note: All these predictions are based on planetary transits and Moon sign based predictions. These are just indicative only, not personalised predictions.