జనవరి 2025 రాశి ఫలాలు - ధనూ రాశి- జనవరి నెల ధనుస్సు రాశి జాతకం

ధనూరాశి January జనవరి 2025 రాశి ఫలములు

Dhanu Rashi - Rashiphalalu January 2025

January జనవరి నెలలో ధనూ రాశి జాతకుల ఆరోగ్యం, విద్య, ఉద్యోగం, ఆర్థికస్థితి, కుటుంబం మరియు వ్యాపారం గోచార ఫలితాలు

ధనూ రాశి. రాశి చక్రంలో తొమ్మిదవ రాశి, ఇది రాశి చక్రంలో 240 నుండి 270వ డిగ్రీల సంబంధం కలిగి ఉంటుంది. మూలా నక్షత్ర (4 పాదాలు), పూర్వాషాఢ నక్షత్ర (4 పాదాలు), ఉత్తరాషాఢ నక్షత్ర (1 వ పాదం) కింద జన్మించిన వారు ధనూ రాశి పరిధిలోకి వస్తారు. ఈ రాశి అధిపతి బృహస్పతి.

ధనుస్సు రాశి - జనవరి నెల రాశిఫలాలు

జనవరి 2025 నెలలో ధనుస్సు రాశి గ్రహ గోచారం

సూర్యుడు
మీ రాశికి 9వ ఇంటి అధిపతి అయిన సూర్యుడు ఈనెల 14వ తేదీ వరకు 1వ ఇల్లైన ధనస్సు రాశిలో సంచరించి, ఆ తర్వాత 2వ ఇల్లైన మకర రాశిలోకి ప్రవేశిస్తాడు.

బుధుడు
మీ రాశికి 7వ మరియు 10వ ఇండ్ల అధిపతి అయిన బుధుడు ఈనెల 4వ తేదీ వరకు 12వ ఇళ్లైన వృశ్చిక రాశిలో సంచరించి, ఆ తర్వాత 1వ ఇల్లైన ధనస్సు రాశిలోకి ప్రవేశిస్తాడు, తిరిగి ఈ నెల 24వ తేదీన 2వ ఇల్లైన మకర రాశిలోకి ప్రవేశిస్తాడు.

శుక్రుడు
మీ రాశికి 6వ మరియు 11వ ఇండ్లకు అధిపతి అయిన శుక్రుడు ఈనెల 28వ తేదీ వరకు 3వ ఇల్లైన కుంభరాశిలో సంచరించి, ఆ తర్వాత 4వ ఇల్లు, తన ఉచ్ఛ రాశి అయిన మీన రాశిలోకి ప్రవేశిస్తాడు.

కుజుడు
మీ రాశికి 5వ మరియు 12వ ఇండ్లకు అధిపతి అయిన కుజుడు, వక్రగతుడై ఈ నెల 21వ తేదీ వరకు తన నీచ రాశి మరియు 8వ ఇల్లు అయిన కర్కాటక రాశిలో సంచరించి, ఆ తర్వాత 7వ ఇల్లైన మిథున రాశిలోకి ప్రవేశిస్తాడు.

గురుడు
మీ రాశ్యాధిపతి మరియు 4వ ఇంటి అధిపతి అయిన గురువు వక్ర గతుడై ఈ నెలలో కూడా 6వ ఇల్లైన వృషభ రాశిలో తన ప్రయాణాన్ని కొనసాగిస్తాడు.

శని
మీ రాశి నుంచి 2వ మరియు 3వ ఇండ్లకు అధిపతి అయిన శని ఈ నెలలో కూడా 3వ ఇల్లైన కుంభ రాశిలో తన ప్రయాణాన్ని కొనసాగిస్తాడు.

రాహువు
రాహువు 4వ ఇల్లైన మీన రాశిలో ఈ నెల కూడా తన ప్రయాణాన్ని కొనసాగిస్తాడు.

కేతువు
కేతువు 10వ ఇల్లైన కన్య రాశిలో ఈ నెలలో కూడా తన ప్రయాణాన్ని కొనసాగిస్తాడు.

జనవరి 2025 నెలలో ఉద్యోగస్తులకు ఎలా ఉంటుంది?

ఈ నెల మీకు అనుకూలంగా ఉంటుంది. వృత్తిపరంగా ఈ నెల మీకు మంచి విజయాన్ని అందిస్తుంది. పనిభారం మరియు ఒత్తిడి ఉంటాయి, మీ పై అధికారులు మీకు అదనపు బాధ్యతలు ఇచ్చే అవకాశముంటుంది. కానీ అదే సమయంలో మీరు పదవిలో పెరుగుదల మరియు ఖ్యాతిని పొందుతారు. ఈ నెలలో దీర్ఘ ప్రయాణ సూచన ఉంది. ప్రథమార్ధంలో ఒత్తిడి మరియు అలసట ఎక్కువగా ఉంటాయి. ద్వితీయార్ధంలో ఒత్తిడి కొంత తగ్గుముఖం పడుతుంది. మానసిక ఒత్తిడి కారణంగా ఏర్పడే సమస్యలను అధిగమించడానికి వినోదయాత్రలు చేయటం లేదా వినోద కార్యక్రమాల్లో పాల్గొనడం మంచిది. అంతే కాకుండా మానసిక ప్రశాంతత కోసం విశ్రాంతిని తీసుకోవడం అవసరం.

జనవరి 2025 నెలలో ఆర్థిక పరిస్థితి ఎలా ఉంటుంది?

ఈ నెల ఆర్థికంగా మీకు సహాయపడుతుంది. ప్రథమార్ఢంలో ఖర్చులు ఎక్కువగా ఉంటాయి. వ్యక్తిగత అవసరాలు, మరియు వాహనాలు కొనటం వలన ఖర్చులు పెరిగే అవకాశముంటుంది. ద్వితాయార్ధంలో ఖర్చులు తగ్గిపోతాయి, మరియు ఆదాయంలో పెరుగుదల ఉంటుంది. అయితే, స్టాక్ మార్కెట్ లేదా వ్యాపార పెట్టుబడుల కోసం ఈ నెల అనుకూలం కాదు. పొదుపును అలవాటుగా పెట్టుకోవడం, మరియు అవసరమైన ఖర్చులకు మాత్రమే ప్రాధాన్యత ఇవ్వడం ఉత్తమం.

జనవరి 2025 నెలలో ఆరోగ్య పరిస్థితి ఎలా ఉంటుంది?

ఈ నెలలో ప్రథమార్ధం ఆరోగ్య పరంగా సాధారణంగా ఉంటుంది, ద్వితీయార్ధంలో మెరుగుదలఉంటుంది, మరియు గత ఆరోగ్య సమస్యల నుంచి కోలుకుంటారు. అయితే, పనిభారం వల్ల వెన్ను నొప్పి తలెత్తే అవకాశం ఉంది. అంతే కాకుండా, ఈ నెలలో కుజుని గోచారం కూడా అనుకూలంగా ఉండదు కాబట్టి రక్తము, ఎముకలకు సంబంధించిన ఆరోగ్య సమస్యలు ఇబ్బంది పెట్టే అవకాశముంటుంది. తగిన విశ్రాంతి తీసుకోవడం మరియు శరీరాన్ని ఒత్తిడి నుండి ఉపశమనం కలిగించడం అవసరం. వ్యాయామం మరియు ధ్యానం ఆరోగ్యాన్ని మెరుగుపరిచేలా చేస్తాయి.

జనవరి 2025 నెలలో కుటుంబ పరిస్థితి ఎలా ఉంటుంది?

ఈ నెల కుటుంబ పరంగా మిశ్రమ ఫలితాలు ఉంటాయి. ప్రథమార్దంలో కుటుంబ విషయాల్లో కొన్ని చీకాకులు ఏర్పడే అవకాశం ఉంటుంది. ముఖ్యంగా కుటుంబ పెద్దల ఆరోగ్య సమస్యలు మరియు ఆర్థికంగా కొంత ఒత్తిడి ఎదురవటం వలన మీరు ఈ సమయంలో మానసిక ప్రశాంతతను కోల్పోయే అవకాశం ఉంటుంది. కుజుని గోచారం కూడా అనుకూలంగా లేకపోవడం వలన మీలో కోపం ఆవేశం ఎక్కువ అయ్యే అవకాశం ఉంటుంది. ఈ సమయంలో వీలైనంతవరకు ప్రశాంతంగా ఉండటం ఎదుటివారి అభిప్రాయాలకు విలువ ఇవ్వడం మంచిది. ద్వితీయార్థంలో మీ జీవిత భాగస్వామి నుండి మంచి మద్దతు లభిస్తుంది. అయితే, మీ పిల్లల్లో ఒకరికి చిన్న ఆరోగ్య సమస్యలు తలెత్తవచ్చు. సరైన సమయంలో వైద్య పరీక్షలు చేయించుకోవడం మంచిది. కుటుంబంతో సమయం గడపడం సంతోషకరమైన అనుభూతిని కలిగిస్తుంది.

జనవరి 2025 నెలలో వ్యాపారస్తుల పరిస్థితి ఎలా ఉంటుంది?

వ్యాపారస్తులకు ఈ నెల ప్రథమార్దంలో వ్యాపారం కొంత సామాన్యంగా సాగుతుంది మరియు ద్వితీయార్థంలో వ్యాపార పరంగా మంచి సమయం ఉంటుంది. ప్రథమార్గంలో వ్యాపార భాగస్వాములతో సమస్యల కారణంగా వ్యాపారం కొంత మందకొడిగా సాగుతుంది. ద్వితీయార్థంలో ఈ సమస్యలు తొలగిపోవడం వలన వ్యాపారం సాఫీగా సాగుతుంది, మరియు ఆదాయం పెరుగుతుంది. అయితే, వ్యాపార విస్తరణ లేదా కొత్త పెట్టుబడులకు ఇది అనుకూల సమయం కాదు. ప్రస్తుత వ్యాపార అభివృద్ధిపై దృష్టి పెట్టడం మంచిది.

జనవరి 2025 నెలలో విద్యార్థుల పరిస్థితి ఎలా ఉంటుంది?

విద్యార్థులకు ఈ నెల మంచి సమయం. వారు చదువులో విజయాన్ని సాధిస్తారు. అయితే, అధిక ఉత్సాహం మరియు తొందరపాటు చర్యలు పరీక్షల్లో సమస్యలను కలిగించవచ్చు. పరీక్షల సమయంలో శాంతంగా ఉండటం మరియు శ్రద్ధ వహించడం అవసరం. పరీక్షల సమయానికి పూర్తి సిద్ధంగా ఉండడం వల్ల మంచి ఫలితాలు పొందగలుగుతారు. అంతేకాకుండా కుజుని గోచారం అనుకూలంగా ఉండకపోవటం వలన కొన్నిసార్లు ఆవేశానికి లోనయ్యి తోటి విద్యార్థులతో గొడవలు పడే అవకాశం ఉంటుంది. కాబట్టి వీలైనంతవరకు ఆవేశాన్ని తగ్గించుకొని చదువుపై దృష్టి పెట్టడం మంచిది.

Please Note: All these predictions are based on planetary transits and Moon sign based predictions. These are just indicative only, not personalised predictions.