జనవరి 2025 రాశి ఫలాలు - కర్కాటక రాశి - జనవరి నెల కర్క రాశి జాతకం

కర్కాటక రాశి January జనవరి 2025 రాశి ఫలములు

Karkataka Rashi - Rashiphalalu January 2025

January జనవరి నెలలో కర్కాటక రాశి జాతకుల ఆరోగ్యం, విద్య, ఉద్యోగం, ఆర్థికస్థితి, కుటుంబం మరియు వ్యాపారం - గోచార ఫలితాలు

కర్కాటకం రాశిచక్రంలో నాల్గవ రాశి, ఇది కర్కాటక నక్షత్రం తో ముడిపడి ఉంటుంది. ఇది రాశిచక్రంయొక్క 90-120 డిగ్రీల స్థాయిని కలిగి ఉంటుంది. పునర్వసు నక్షత్ర (4 వ పాదం), పుష్యమి నక్షత్ర (4 పాదాలు), ఆశ్లేష నక్షత్ర (4 పాదాలు) లో జన్మించిన వారు కర్కాటక రాశి పరిధిలోకి వస్తారు. ఈ రాశి వారికి ప్రభువు చంద్రుడు.

కర్కాటక రాశి - జనవరి రాశి ఫలాలు

జనవరి 2025 నెలలో కర్క రాశి గ్రహ గోచారం

సూర్యుడు
మీ రాశికి 2వ ఇంటి అధిపతి అయిన సూర్యుడు ఈనెల 14వ తేదీ వరకు 6వ ఇల్లైన ధనస్సు రాశిలో సంచరించి ఆ తర్వాత 7వ ఇల్లైన మకర రాశిలోకి ప్రవేశిస్తాడు.

బుధుడు
మీ రాశికి 3వ మరియు 12వ ఇండ్ల అధిపతి అయిన బుధుడు ఈనెల 4వ తేదీ వరకు 5వ ఇళ్లైన వృశ్చిక రాశిలో సంచరించి ఆ తర్వాత 6వ ఇల్లైన ధనస్సు రాశిలోకి ప్రవేశిస్తాడు, తిరిగి ఈ నెల 24వ తేదీన 7వ ఇల్లైన మకర రాశిలోకి ప్రవేశిస్తాడు.

శుక్రుడు
మీ రాశికి 4వ మరియు 11వ ఇండ్లకు అధిపతి అయిన శుక్రుడు ఈనెల 28వ తేదీ వరకు 8వ ఇల్లైన కుంభరాశిలో సంచరించి ఆ తర్వాత 9వ ఇల్లు, తన ఉచ్ఛ రాశి అయిన మీన రాశిలోకి ప్రవేశిస్తాడు.

కుజుడు
మీ రాశికి 5వ మరియు 10వ ఇండ్లకు అధిపతి అయిన కుజుడు, వక్రగతుడై ఈ నెల 21వ తేదీ వరకు తన నీచ రాశి మరియు 1వ ఇల్లు అయిన కర్కాటక రాశిలో సంచరించి, ఆ తర్వాత 12వ ఇల్లైన మిథున రాశిలోకి ప్రవేశిస్తాడు.

గురుడు
మీ రాశికి 6వ మరియు 9వ ఇండ్లకు అధిపతి అయిన గురువు వక్ర గతుడై ఈ నెలలో కూడా 11వ ఇల్లైన వృషభ రాశిలో తన ప్రయాణాన్ని కొనసాగిస్తాడు.

శని
మీ రాశి నుంచి 7వ మరియు 8వ ఇండ్లకు అధిపతి అయిన శని ఈ నెలలో కూడా 8వ ఇల్లైన కుంభ రాశిలో తన ప్రయాణాన్ని కొనసాగిస్తాడు.

రాహువు
రాహువు 9వ ఇల్లైన మీన రాశిలో ఈ నెల కూడా తన ప్రయాణాన్ని కొనసాగిస్తాడు.

కేతువు
కేతువు 3వ ఇల్లైన కన్య రాశిలో ఈ నెలలో కూడా తన ప్రయాణాన్ని కొనసాగిస్తాడు.

ఈ నెల మిశ్రమ ఫలితాలను ఇస్తుంది. మొదటి పదిహేను రోజులు మీకు అనుకూలంగా ఉంటాయి, అయితే చివరి పదిహేను రోజులు ఒత్తిడిని కలిగించవచ్చు.

జనవరి 2025 నెలలో ఉద్యోగస్తులకు ఎలా ఉంటుంది?

వృత్తి పరంగా ఈ నెల మొదటి రెండు వారాలు మంచిగా సాగుతాయి. మూడో వారం నుంచి పని ఒత్తిడి పెరుగుతుంది, మరియు మీ పనికి మద్దతు అందించే వారి కంటే ఆటంకాలు కలిగించేవారు ఎక్కువ అవుతారు. మీ ఆవేశం కారణంగా కూడా కార్యాలయంలో శత్రువులు పెరిగే అవకాశం ఉంటుంది. ముఖ్యంగా ద్వితీయార్థంలో ఈ సమస్య ఎక్కువ అవుతుంది. ఈ నెలలో మీ స్థానంలో మార్పు లేదా పదవిలో మార్పు సూచించబడుతోంది. ప్రయాణ సూచనలు కూడా ఉన్నాయి. ఈ నెలలో మీరు చేపట్టిన పనుల్లో పురోగతి సాధించాలంటే, ఆటంకాలకు భయపడకుండా కష్టపడి పని చేయాలి మరియు ఇతరులపై ఆధారపడకుండా స్వయంగా ముందుకు సాగాలి. మీ కృషి మరియు పట్టుదలే మీకు విజయాన్ని తెస్తాయి.

జనవరి 2025 నెలలో ఆరోగ్య పరిస్థితి ఎలా ఉంటుంది?

ఆరోగ్య పరంగా ఈ నెల సాధారణంగా ఉంటుంది. గ్యాస్ట్రిక్ సమస్యలు మరియు రక్త సంబంధిత ఆరోగ్య సమస్యలకు జాగ్రత్త వహించాలి. సరైన సమయంలో భోజనం చేయడం, తగిన విశ్రాంతి తీసుకోవడం వల్ల ఆరోగ్య పరంగా సమస్యలు తక్కువగా ఉంటాయి. రోజూ వ్యాయామం చేయడం మరియు నీటిని విరివిగా తాగడం ఆరోగ్యాన్ని మెరుగుపరచడంలో సహాయపడతాయి. కుజుని గోచారం అనుకూలంగా లేకపోవడం వలన తలకు గాయాలు అవటం కానీ లేదా రక్తపోటు తదితర రక్తసంబంధ ఆరోగ్య సమస్యలు ఈ నెలలో ఎక్కువ అవటం కాని జరగవచ్చు. ఆవేశానికి లోను కాకుండా ఉండటం మరియు ప్రాణాయామం లాంటి ప్రక్రియలు చేపట్టడం వలన ఆరోగ్య సమస్యలు తగ్గుతాయి.

జనవరి 2025 నెలలో ఆర్థిక పరిస్థితి ఎలా ఉంటుంది?

ఆర్థిక పరంగా ఈ నెల మంచి ఫలితాలను ఇస్తుంది. మీ ఆదాయంలో పెరుగుదల కనిపిస్తుంది. స్థిర ఆస్తులు లేదా వాహనం కొనుగోలు చేయాలనుకుంటే, ఈ నెల మొదటి భాగంలో చేయడం ఉత్తమం. ఆర్థిక విషయాల్లో తొందరపడి నిర్ణయాలు తీసుకోవడం మానుకోండి. ప్రణాళికాబద్ధంగా వ్యవహరించడం మీ ఆర్థిక స్థితిని మెరుగుపరచడంలో సహాయపడుతుంది. ద్వితీయార్థంలో ఖర్చులు పెరిగే అవకాశం ఉంటుంది ముఖ్యంగా కుటుంబం సంబంధించిన విషయాలకు ఎక్కువ ఖర్చు చేయాల్సి రావచ్చు. అలాగే వాహనాల మరమ్మత్తులు లేదా గృహ సంబంధించిన మరమ్మతుల కూడా ఈ నెలలో ఖర్చు చేసే అవకాశం ఉంటుంది.

జనవరి 2025 నెలలో కుటుంబ పరిస్థితి ఎలా ఉంటుంది?

కుటుంబ జీవితం ఈ నెలలో సంతోషంగా ఉంటుంది. మీ జీవిత భాగస్వామి ఆదాయంలో పెరుగుదల లేదా ఆర్థిక లాభం పొందగలరు. కుటుంబంలో శుభకార్యాలు జరిగే అవకాశాలు ఉన్నాయి. కుటుంబ సభ్యులతో గడిపే సమయం ఆనందాన్ని పెంచుతుంది. కుటుంబ కలహాలు తగ్గుతాయి. ఈనెల ద్వితీయార్థంలో జీవిత భాగస్వామితో కొన్ని సమస్యలు వచ్చే అవకాశం ఉంటుంది అలాగే మీ సంతానం ఆరోగ్య విషయంలో కూడా జాగ్రత్త అవసరం. ముఖ్యంగా కుటుంబ సభ్యులతో మాట్లాడేటప్పుడు ఆవేశానికి లోను కాకుండా ఉండటం వలన చాలా వరకు సమస్యలు తగ్గుతాయి.

జనవరి 2025 నెలలో వ్యాపారస్తుల పరిస్థితి ఎలా ఉంటుంది?

వ్యాపారస్తులకు ఈ నెల మిశ్రమ ఫలితాలను ఇస్తుంది. ఆర్థిక పరంగా లాభాలు కనపడతాయి, కానీ కావాల్సిన ఫలితాలను సాధించడానికి మీరు కష్టపడి పని చేయాలి. వ్యాపార ఒత్తిడి అధికంగా ఉంటుంది. కొత్త ప్రాజెక్టులు చేపట్టడానికి ఇది సరైన సమయం కాదు. ప్రస్తుత వ్యాపారాన్ని మరింత అభివృద్ధి చేసేందుకు కృషి చేయడం అవసరం. అయితే కుజుని గోచారం అనుకూలంగా లేకపోవడం వలన వ్యాపారంలో అభివృద్ధి కొన్నిసార్లు బాగుండటం కొన్నిసార్లు తగ్గిపోవడం జరగవచ్చు. అంతేకాకుండా వ్యాపార సంబంధ నిర్ణయాల విషయంలో ఆవేశంతో కాకుండా ఆలోచనతో మరియు అనుభవజ్ఞుల సలహాలు తీసుకొని ముందుకు వెళ్ళటం మంచిది.

జనవరి 2025 నెలలో విద్యార్థుల పరిస్థితి ఎలా ఉంటుంది?

విద్యార్థులకు ఈ నెల మిశ్రమ ఫలితాలను ఇస్తుంది. నెల మొదటి భాగం విద్యలో పురోగతిని చూపుతుంది, కానీ రెండో భాగంలో అలసత్వం మరియు అశ్రద్ధ ఎక్కువగా ఉంటుంది. చదువును ఆలస్యం చేయకుండా, నిరంతరం దృష్టిని చదువుపై కేంద్రీకరించాలి. పరీక్షల్లో మెరుగైన ఫలితాలను సాధించాలంటే, సమయాన్ని సద్వినియోగం చేసుకోవాలి. హనుమాన్ చాలీసా పఠనం లేదా విష్ణు స్తోత్రం వినడం మంచి ఫలితాలను తెస్తుంది.

Please Note: All these predictions are based on planetary transits and Moon sign based predictions. These are just indicative only, not personalised predictions.