జనవరి 2025 రాశి ఫలాలు - మకర రాశి - జనవరి నెల మకర రాశి జాతకం

మకర రాశి January జనవరి 2025 రాశి ఫలములు

Makara Rashi - Rashiphalalu January 2025

మకర రాశి వారికి జనవరి నెలలో ఆరోగ్యం, విద్య, ఉద్యోగం, ఆర్థికస్థితి, కుటుంబం మరియు వ్యాపారం సంబంధించి గోచార ఫలితాలు

మకర రాశి, రాశి చక్రంలో పదవ రాశి, కాప్రికోర్నుస్ యొక్క నక్షత్రసముదాయం నుండి ఉద్భవించడం. ఇది ఈ రాశియొక్క -300వ డిగ్రీల పరిధిలో వ్యాపించి ఉన్నది. ఉత్తరాషాఢ నక్షత్ర (2, 3, 4 పాదాలు), శ్రావణ నక్షత్ర (4 పాదాలు), ధనిష్ట నక్షత్ర (1 వ, 2 వ పాదాలు) కింద జన్మించిన వ్యక్తులు మకర రాశి పరిధిలోకి వస్తారు. ఈ రాశివారికి అధిపతి శని.

మకర రాశి - జనవరి నెల రాశి ఫలాలు

జనవరి 2025 నెలలో మకర రాశి గ్రహ గోచారం

సూర్యుడు
మీ రాశికి 8వ ఇంటి అధిపతి అయిన సూర్యుడు ఈనెల 14వ తేదీ వరకు 12వ ఇల్లైన ధనస్సు రాశిలో సంచరించి, ఆ తర్వాత 1వ ఇల్లైన మకర రాశిలోకి ప్రవేశిస్తాడు.

బుధుడు
మీ రాశికి 6వ మరియు 9వ ఇండ్ల అధిపతి అయిన బుధుడు ఈనెల 4వ తేదీ వరకు 11వ ఇళ్లైన వృశ్చిక రాశిలో సంచరించి, ఆ తర్వాత 12వ ఇల్లైన ధనస్సు రాశిలోకి ప్రవేశిస్తాడు, తిరిగి ఈ నెల 24వ తేదీన 1వ ఇల్లైన మకర రాశిలోకి ప్రవేశిస్తాడు.

శుక్రుడు
మీ రాశికి 5వ మరియు 10వ ఇండ్లకు అధిపతి అయిన శుక్రుడు ఈనెల 28వ తేదీ వరకు 2వ ఇల్లైన కుంభరాశిలో సంచరించి, ఆ తర్వాత 3వ ఇల్లు, తన ఉచ్ఛ రాశి అయిన మీన రాశిలోకి ప్రవేశిస్తాడు.

కుజుడు
మీ రాశికి 4వ మరియు 11వ ఇండ్లకు అధిపతి అయిన కుజుడు, వక్రగతుడై ఈ నెల 21వ తేదీ వరకు తన నీచ రాశి మరియు 7వ ఇల్లు అయిన కర్కాటక రాశిలో సంచరించి, ఆ తర్వాత 6వ ఇల్లైన మిథున రాశిలోకి ప్రవేశిస్తాడు.

గురుడు
మీ రాశికి 3వ మరియు 12వ ఇండ్లకు అధిపతి అయిన గురువు వక్ర గతుడై ఈ నెలలో కూడా 5వ ఇల్లైన వృషభ రాశిలో తన ప్రయాణాన్ని కొనసాగిస్తాడు.

శని
మీ రాశ్యాధిపతి మరియు 2వ ఇంటి అధిపతి అయిన శని ఈ నెలలో కూడా 2వ ఇల్లైన కుంభ రాశిలో తన ప్రయాణాన్ని కొనసాగిస్తాడు.

రాహువు
రాహువు 3వ ఇల్లైన మీన రాశిలో ఈ నెల కూడా తన ప్రయాణాన్ని కొనసాగిస్తాడు.

కేతువు
కేతువు 9వ ఇల్లైన కన్య రాశిలో ఈ నెలలో కూడా తన ప్రయాణాన్ని కొనసాగిస్తాడు.

ఈ నెల మీకు సాధారణ ఫలితాలను ఇస్తుంది.

జనవరి 2025 నెలలో ఉద్యోగస్తులకు ఎలా ఉంటుంది?

ఈ నెలలో మీ ఉద్యోగంలో బాధ్యతలు మరియు పనిభారం పెరుగుతాయి. ముఖ్యంగా నెల మొదటి భాగం చాలా ఒత్తిడిగా ఉంటుంది. ఈ సమయంలో మీరు చేపట్టిన పనుల్లో ఆటంకాలు ఏర్పడడం దాని కారణంగా మీ సహోద్యోగులు కానీ లేదా పై అధికారులు కానీ మీపై ఒత్తిడి పెంచడం చేయవచ్చు. అంతేకాకుండా ఈ సమయంలో కొంతకాలం మీకు నచ్చని ప్రదేశంలో లేదా నచ్చని వ్యక్తులతో కలిసి రావడం జరగవచ్చు. ఈనెల రెండో భాగం కొంత మంచిగా ఉంటుంది. పని భారం కొంత తగ్గుతుంది అయితే ఈ సమయంలో పై అధికారులతో తగవులు పడటం మంచిది కాదు. అలా చేస్తే, భవిష్యత్తులో సమస్యలు ఎదురుకావచ్చు. ఉద్యోగ మార్పుకు కూడా ఇది అనుకూల సమయం కాదు. కాస్త ఓర్పు వహించి, మంచి సమయం కోసం వేచిచూడడం ఉత్తమం. మీపై వ్యాపించే ప్రతికూల ప్రచారంపై అప్రమత్తంగా ఉండండి.

జనవరి 2025 నెలలో ఆర్థిక పరిస్థితి ఎలా ఉంటుంది?

నెల మొదటి భాగం ఆర్థికంగా కొంత సవాలుగా ఉంటుంది. మొదటి రెండు వారాల్లో అనవసర ఖర్చులు పెరుగుతాయి. 15వ తేదీ తర్వాత కొంత ఆర్థిక మద్దతు లభిస్తుంది, అలాగే ఆదాయంలో పెరుగుదల ఉంటుంది. అయితే, ఈ నెల పెట్టుబడులు మరియు కొనుగోళ్ల కోసం అనుకూలం కాదు. ఖర్చులను నియంత్రించడంపై దృష్టి పెట్టండి. ఈ నెలలో ఎక్కువగా ఆరోగ్య విషయాలకు మరియు ప్రయాణాల కొరకు డబ్బు ఖర్చయ్యే అవకాశం ఉంటుంది. అంతే కాకుండా మీరు తీర్చాల్సిన అప్పులు కూడా సమయానికి ముందుగా తీర్చాల్సి రావటం కానీ లేదా ప్రభుత్వ పన్నులు లేదా అపరాధ రుసుము కింద కొంత డబ్బు చెల్లించాల్సి రావడం జరగవచ్చు.

జనవరి 2025 నెలలో కుటుంబ పరిస్థితి ఎలా ఉంటుంది?

కుటుంబ జీవితం ఈ నెలలో ప్రథమార్థంలో కొంత సామాన్యంగా ఉంటుంది అయితే ద్వితీయార్థం మీకు ఓ మానసిక విశ్రాంతిని కలిగించే అంశం అవుతుంది. ప్రథమార్దంలో మీకు కోపం మరియు అసహనం ఎక్కువవటం వలన మీరు మీ కుటుంబ సభ్యులతో కానీ బంధువులతో కానీ గొడవపడే అవకాశం ఉంటుంది. అంతేకాకుండా మీకు సంబంధం లేని విషయాల్లో తలదూర్చడం వలన కొంత ఇబ్బంది పడే అవకాశం ఉంటుంది. ద్వితీయార్థంలో పరిస్థితులు కొంత మెరుగు అవుతాయి. మీ జీవిత భాగస్వామి మరియు కుటుంబ సభ్యుల నుండి మంచి మద్దతు లభిస్తుంది. కుటుంబంతో గడిపే సమయం ఆనందాన్ని తెస్తుంది మరియు మిగతా ఒత్తిడులను తగ్గించగలుగుతుంది.

జనవరి 2025 నెలలో ఆరోగ్య పరిస్థితి ఎలా ఉంటుంది?

ఈ నెల ఆరోగ్య పరంగా సాధారణంగా ఉంటుంది. జ్వరం కానీ, ఒళ్ళు నొప్పులు కానీ లేదా రక్తానికి సంబంధించిన ఆరోగ్య సమస్యలు ఈ నెలలో ఇబ్బంది పెట్టే అవకాశం ఉంటుంది. అంతేకాకుండా మానసిక ఒత్తిడి కూడా అధికంగా ఉండే అవకాశం ఉంది. దీని వల్ల చిన్న ఆరోగ్య సమస్యలు తలెత్తవచ్చు. రోజూ సమయానికి విశ్రాంతి తీసుకోవడం, మరియు ఆహారంపై శ్రద్ధ పెట్టడం మంచిది. ధ్యానం లేదా యోగా చేయడం మానసిక ప్రశాంతతను కలిగిస్తుంది.

జనవరి 2025 నెలలో వ్యాపారస్తుల పరిస్థితి ఎలా ఉంటుంది?

వ్యాపారస్తులకు ఈ నెల సాధారణ స్థాయిలో ఉంటుంది. వ్యాపారంలో పెద్దగా వృద్ధి కనిపించదు. కొంత నష్టాన్ని కూడా ఎదుర్కోవచ్చు. వ్యాపార శత్రువుల నుండి జాగ్రత్తగా ఉండాలి, ఎందుకంటే వారు హాని చేయడానికి ప్రయత్నించవచ్చు. వ్యాపార ప్రణాళికలను సమీక్షించి, సమయాన్ని మంచిగా ఉపయోగించుకోండి. ఈ నెలలో పన్నులు లేదా బకాయిలు చెల్లించడం వలన ఆర్థికంగా కొంత ఒత్తిడి ఎదురయ్యే అవకాశం ఉంటుంది. వీలైనంతవరకు అనవసరమైన ఖర్చుల జోలికి వెళ్లకుండా వ్యాపారంపై దృష్టి పెట్టడం వలన నష్టాల్ని తగ్గించుకోగలుగుతారు.

జనవరి 2025 నెలలో విద్యార్థుల పరిస్థితి ఎలా ఉంటుంది?

విద్యార్థులకు ఈ నెల కొంత కఠినంగా ఉంటుంది. చదువుపై ఆసక్తి తగ్గి, ఒత్తిడి అధికంగా అనిపించవచ్చు. చదువును వాయిదా వేయక, ధైర్యంగా మరియు సమర్ధవంతంగా ముందుకు సాగాలి. శ్రద్ధ పెట్టి పరీక్షలకు సన్నద్ధం కావడం అవసరం. రోజూ కొంత సమయం చదువుకు కేటాయించడం ద్వారా మంచి ఫలితాలను పొందగలుగుతారు. ద్వితీయార్థంలో కొంత అనుకూల పరిస్థితులు ఏర్పడతాయి చదువుపై ఆసక్తి పెరగటం మరియు పెద్దలు లేదా గురువుల సహాయంతో మానసిక ఒత్తిడి నుంచి బయటపడగలుగుతారు.

Click here for January 2025 Rashiphal in English

Please Note: All these predictions are based on planetary transits and Moon sign based predictions. These are just indicative only, not personalised predictions.