జనవరి 2025 రాశి ఫలాలు - కుంభ రాశి - జనవరి నెల కుంభ రాశి జాతకం

కుంభ రాశి January జనవరి 2025 రాశి ఫలములు

Kumbha Rashi - Rashiphalalu January 2025

జనవరి నెల కుంభ రాశి వారికి ఆరోగ్యం, విద్య, ఉద్యోగం, ఆర్థికస్థితి, కుటుంబం మరియు వ్యాపారం సంబంధ గోచార ఫలములు

కుంభరాశి, రాశి చక్రంలోని పదకొండవ రాశి. ఇది రాశిచక్రం యొక్క 300-330th డిగ్రీలను కలిగి ఉంటుంది. ధనిష్ఠ నక్షత్ర (3 వ, 4 వ పాదాలు), శతభిష నక్షత్ర (4 పాదాలు), పూర్వాభాద్ర నక్షత్ర (1 వ, 2 వ, 3 వ పాదాలు) లో జన్మించిన వారు కుంభరాశి కిందకు వస్తారు. ఈ రాశివారికి అధిపతి శని.

కుంభ రాశి - జనవరి నెల రాశి ఫలాలు

జనవరి 2025 నెలలో కుంభ రాశి గ్రహ గోచారం

సూర్యుడు
మీ రాశికి 7వ ఇంటి అధిపతి అయిన సూర్యుడు ఈనెల 14వ తేదీ వరకు 11వ ఇల్లైన ధనస్సు రాశిలో సంచరించి, ఆ తర్వాత 12వ ఇల్లైన మకర రాశిలోకి ప్రవేశిస్తాడు.

బుధుడు
మీ రాశికి 5వ మరియు 8వ ఇండ్ల అధిపతి అయిన బుధుడు ఈనెల 4వ తేదీ వరకు 10వ ఇళ్లైన వృశ్చిక రాశిలో సంచరించి, ఆ తర్వాత 11వ ఇల్లైన ధనస్సు రాశిలోకి ప్రవేశిస్తాడు, తిరిగి ఈ నెల 24వ తేదీన 12వ ఇల్లైన మకర రాశిలోకి ప్రవేశిస్తాడు.

శుక్రుడు
మీ రాశికి 4వ మరియు 9వ ఇండ్లకు అధిపతి అయిన శుక్రుడు ఈనెల 28వ తేదీ వరకు 1వ ఇల్లైన కుంభరాశిలో సంచరించి, ఆ తర్వాత 2వ ఇల్లు, తన ఉచ్ఛ రాశి అయిన మీన రాశిలోకి ప్రవేశిస్తాడు.

కుజుడు
మీ రాశికి 3వ మరియు 10వ ఇండ్లకు అధిపతి అయిన కుజుడు, వక్రగతుడై ఈ నెల 21వ తేదీ వరకు తన నీచ రాశి మరియు 6వ ఇల్లు అయిన కర్కాటక రాశిలో సంచరించి, ఆ తర్వాత 5వ ఇల్లైన మిథున రాశిలోకి ప్రవేశిస్తాడు.

గురుడు
మీ రాశికి 2వ మరియు 11వ ఇండ్లకు అధిపతి అయిన గురువు వక్ర గతుడై ఈ నెలలో కూడా 4వ ఇల్లైన వృషభ రాశిలో తన ప్రయాణాన్ని కొనసాగిస్తాడు.

శని
మీ రాశ్యాధిపతి మరియు 12వ ఇంటి అధిపతి అయిన శని ఈ నెలలో కూడా 1వ ఇల్లైన కుంభ రాశిలో తన ప్రయాణాన్ని కొనసాగిస్తాడు.

రాహువు
రాహువు 2వ ఇల్లైన మీన రాశిలో ఈ నెల కూడా తన ప్రయాణాన్ని కొనసాగిస్తాడు.

కేతువు
కేతువు 8వ ఇల్లైన కన్య రాశిలో ఈ నెలలో కూడా తన ప్రయాణాన్ని కొనసాగిస్తాడు.

ఈ నెల మీకు మిశ్రమ ఫలితాలను ఇస్తుంది. ఈ నెలలో మొదటి భాగం అనుకూలంగా ఉంటుంది – మీరు పెండింగ్ పనులను పూర్తి చేయడం మరియు మీ కోరికలను నెరవేర్చడంలో సహాయపడుతుంది. అయితే, నెల రెండో భాగంలో ప్రతి పనిలో కొన్ని ఆటంకాలు ఎదురుకావచ్చు. ఖర్చులు కూడా ఆశించినదానికంటే ఎక్కువగా ఉండే అవకాశం ఉంది.

జనవరి 2025 నెలలో ఉద్యోగస్తులకు ఎలా ఉంటుంది?

ఈ నెల వృత్తి పరంగా ప్రథమార్ధం చాలా అనుకూలంగా ఉంటుంది. మీరు చేపట్టిన పనులు విజయవంతంగా పూర్తి చేయగలుగుతారు మరియు మీ సహోద్యోగుల సహకారంతో ఉద్యోగంలో అభివృద్ధి సాధించగలుగుతారు. అయితే ద్వితీయార్థం సాధారణంగా ఉంటుంది. ఈ సమయంలో పని భారం అధికంగా ఉంటుంది మరియు గతంలో సహాయపడిన సహోద్యోగుల నుండి తక్కువ మద్దతు లభించవచ్చు. కార్యాలయంలో కొన్ని అపార్థాలు లేదా అనవసరమైన సమస్యలు తలెత్తవచ్చు. ముఖ్యంగా మాట్లాడే విధానం మరియు పత్రపూరణలో జాగ్రత్త వహించాలి. తప్పుదారిన పడే సమాచారం లేదా తప్పుగా అర్థం చేసుకోవడాన్ని నివారించేందుకు, ప్రతి విషయం స్పష్టంగా మరియు నిశితంగా చూడాలి. అంతేకాకుండా ముఖ్యమైన పనిని లేదా విషయాన్ని మర్చిపోవడం వలన లేదా నిర్లక్ష్యం చేయటం వలన పై అధికారుల కోపానికి గురి అయ్యే అవకాశం ఉంటుంది. కాబట్టి వీలైనంతవరకు శ్రద్ధగా చేపట్టిన పనులను పూర్తి చేయడం మంచిది.

జనవరి 2025 నెలలో ఆర్థిక పరిస్థితి ఎలా ఉంటుంది?

ఈనెల మిశ్రమ ఫలితాలను ఇస్తుంది. ప్రధమార్ధంలో ఆదాయం బాగుండటం మరియు గతంలో పెట్టిన పెట్టుబడుల నుంచి మంచి లాభాలు రావటం వలన ఆర్థిక సమస్యలు తొలగిపోతాయి. అయితే ద్వితీయార్థంలో కుటుంబ విషయాల కారణంగా అనుకోని ఖర్చులు చేయాల్సి రావటం జరుగుతుంది. . ముఖ్యంగా ఆరోగ్య సంబంధ విషయాలు మరియు గృహ అవసరాల కారణంగా ఎక్కువ డబ్బు ఖర్చు చేయాల్సి రావచ్చు. అంతేకాకుండా శుభకార్యాల నిమిత్తం కూడా కొంత డబ్బు ఖర్చు పెడతారు.

జనవరి 2025 నెలలో కుటుంబ పరిస్థితి ఎలా ఉంటుంది?

ఈ నెల కుటుంబ జీవితం మిశ్రమ ఫలితాలను ఇస్తుంది. ప్రధమార్ధంలో కుటుంబ జీవితం చాలా అనుకూలంగా ఉంటుంది. మీ భాగస్వామి సహకారంతో ముఖ్యమైన పనులు పూర్తి చేయగలుగుతారు మరియు మీ ఒత్తిడి తగ్గించుకోగలుగుతారు. ఈనెల ద్వితీయార్థం సాధారణంగా ఉంటుంది. ఆర్థికంగా కొంత ఒత్తిడి ఏర్పడే అవకాశం ఉంటుంది. మీ జీవిత భాగస్వామి కోసం కొన్ని అదనపు ఖర్చులు చేయాల్సి రావచ్చు. కుటుంబ సభ్యుల మద్దతు లభించినప్పటికీ, ఆర్థికంగా కొంత భారం అనిపించవచ్చు. సున్నితమైన విషయాల్లో ఆలోచించి నిర్ణయాలు తీసుకోవడం మంచిది.

జనవరి 2025 నెలలో ఆరోగ్య పరిస్థితి ఎలా ఉంటుంది?

ఆరోగ్యపరంగా ఈ నెల మిశ్రమ ఫలితాలను ఇస్తుంది. ప్రథమార్దంలో ఆరోగ్యం బాగుంటుంది. ఈ నెలలో ఈ సమయంలో సూర్యుని గోచారం తో పాటు కుజుని గోచారం అనుకూలంగా ఉండటం వలన గతంలో ఉన్న ఆరోగ్య సమస్యలు తగ్గుముఖం పట్టే అవకాశం ఉంటుంది. ద్వితీయార్థంలో ఆరోగ్యం సాధారణంగా ఉంటుంది. ఈ సమయంలో కడుపు మరియు కళ్లకు సంబంధించిన చిన్న సమస్యలు తలెత్తవచ్చు. సరైన ఆహారం, విశ్రాంతి మరియు వ్యాయామం చేయడం ద్వారా ఈ సమస్యలను నివారించవచ్చు.

జనవరి 2025 నెలలో వ్యాపారస్తుల పరిస్థితి ఎలా ఉంటుంది?

వ్యాపారస్తులకు ఈ నెల మిశ్రమ ఫలితాలను ఇస్తుంది. నెల మొదటి భాగంలో వ్యాపారం అభివృద్ధి చెందడం వలన ఆదాయంలో మెరుగుదల కనిపించవచ్చు. ఈ సమయంలో కొత్తగా వ్యాపార ఒప్పందాలు చేసుకోవడం కానీ లేదా కొత్త వ్యక్తులతో వ్యాపారం ప్రారంభించడం కానీ జరగవచ్చు. ఈనెల రెండో భాగంలో భారీ ఖర్చులు తలెత్తే అవకాశం ఉంది. వ్యాపారంలో స్థల మార్పు లేదా వ్యాపార విషయంగా తీసుకున్న నిర్ణయాలు సరైన ఫలితం ఇవ్వకపోవడం వలన వ్యాపార పరంగా కొంత నష్టం కలిగే అవకాశం ఉంటుంది. ఈ సమయంలో కొత్త వ్యాపార ఒప్పందాలు గానీ వ్యాపార పరమైన మార్పులు కానీ చేయకపోవటమే మంచిది.

జనవరి 2025 నెలలో విద్యార్థుల పరిస్థితి ఎలా ఉంటుంది?

విద్యార్థులకు ఈ నెల మంచి ఫలితాలను ఇస్తుంది. బుధ గ్రహం సంచారం వారి చదువుపై ఆసక్తి మరియు ఏకాగ్రత పెరుగుటలో సహాయపడుతుంది. ముఖ్యంగా పోటీ పరీక్షలు రాయడానికి సిద్ధమవుతున్న విద్యార్థులు మంచి ఫలితాలు సాధించగలుగుతారు. ద్వితీయార్థంలో సూర్యుని గోచారం అనుకూలంగా ఉండకపోవటం వలన ఏకాగ్రత దెబ్బ తినటం మరియు ఆందోళన ఎక్కువ అవడం జరగవచ్చు. ఈ సమయంలో పెద్దల లేదా ఉపాధ్యాయుల సహకారం తీసుకోవడం మంచిది. దీని కారణంగా మానసిక ఒత్తిడి నుంచి బయటపడవచ్చు.

Please Note: All these predictions are based on planetary transits and Moon sign based predictions. These are just indicative only, not personalised predictions.