2025 రాశి ఫలాలు - వృషభ రాశి (Vrishabha Rashi): ఉద్యోగం, ఆరోగ్యం, ఆదాయం

వృషభ రాశి రాశిఫలములు - తెలుగు రాశి ఫలాలు

2025 సంవత్సర రాశి ఫలములు - 11వ ఇంట శని గోచారం

Telugu Rashi Phalalu (Rasi phalamulu)

Vrishabha Rashi 2025 Rashi phalaalu (Rasi phalamulu)

Telugu Rashi Phalalu (Rasi phalamulu) - 2025 samvatsara Vrishabha rashi phalaalu. Family, Career, Health, Education, Business and Remedies for Vrishabha Rashi in Telugu

 కృత్తిక నక్షత్రం 2,3,4 పాదములు (ఈ,ఊ,ఏ) రోహిణి నక్షత్రం 1,2,3,4 పాదములు,(ఓ,వా,వీ,వూ) , మృగశిర నక్షత్రం 1,2 పాదములలో (వే,వో) జన్మించిన వారు వృషభ రాశి జాతకులు

2025 లో వృషభ రాశిలో జన్మించిన వారి కుటుంబం, ఉద్యోగం, ఆర్థిక స్థితి, ఆరోగ్యం, విద్య, వ్యాపారం మరియు చేయాల్సిన పరిహారాలకు సంబంధించిన పూర్తి వివరాలతో కూడిన రాశి ఫలాలు

వృషభ రాశి - 2025 రాశి ఫలాలు: అదృష్టం కలిసి వస్తుందా?

2025 సంవత్సరంలో ఆర్థిక బాధలను మరియు అనవసర సమస్యలను అనుభవించిన వృషభ రాశి వారికి ఈ 2025 వ సంవత్సరం ఏ విధంగా ఉండబోతుందో చూద్దాం.

ఈ సంవత్సరం ప్రారంభంలో, శని కుంభ రాశిలో 10వ ఇంట్లో ఉండి, కెరీర్ పై దృష్టిని మరియు వృత్తి పరమైన బాధ్యతలను పెంచుతుంది. అదే సమయంలో, రాహు మీన రాశిలో 11వ ఇంట్లో ఉండి, సామాజిక సంబంధాల నుండి లాభాలను మరియు వ్యక్తిగత ఆకాంక్షలను నెరవేర్చుకోవాలనే కోరికను పెంచుతుంది. మార్చి 29న శని మీన రాశిలోని 11వ ఇంట్లోకి ప్రవేశించడం వల్ల సామాజిక విజయాలు మరియు సంఘాల ద్వారా లాభాలపై దృష్టి మళ్లుతుంది. తరువాత, మే 18న రాహు కుంభ రాశిలోని 10వ ఇంట్లోకి మారడం వల్ల ఉద్యోగంలో మరియు ప్రజా జీవితం పై ప్రభావం పడుతుంది. మే వరకు గురువు మొదటి ఇంట్లో సంచరించడం వల్ల ఆత్మవిశ్వాసం, వ్యక్తిగత వృద్ధి మరియు ఆధ్యాత్మిక అభివృద్ధి లభిస్తాయి. మే 14న, గురువు గోచారం రెండవ ఇంట్లో మిథున రాశిలోకి ప్రవేశించి, సంపద, వాక్చాతుర్యం మరియు కుటుంబ జీవితాన్ని మెరుగుపరుస్తుంది. సంవత్సరం చివరలో గురువు అతిచారం కారణంగా కర్కాటక రాశి కొంతకాలం సంచరించి తిరిగి మిథున రాశిలోకి రావడం వల్ల సంబంధాలు, కమ్యూనికేషన్ మరియు వ్యక్తిగత లక్ష్యాలలో, ముఖ్యంగా డిసెంబర్ 4 తర్వాత చెప్పుకో తగిన మార్పులు చోటుచేసుకుంటాయి.

వృషభ రాశి ఉద్యోగులకు 2025లో ఎదుగుదల ఉంటుందా?

వృషభ రాశి వారికి, 2025 సంవత్సరం ఉద్యోగ జీవితంలో చాలా ముఖ్యమైనది. సంవత్సరం మొదట్లో శని మీ 10వ ఇంట్లో ఉంటాడు, అంటే మీరు పని పట్ల చాలా శ్రద్ధగా, బాధ్యతగా ఉంటారు. కష్టపడి పనిచేస్తారు. మీ కెరీర్ లో ఏ లక్ష్యాలు పెట్టుకున్నా, వాటిని సాధించడానికి ఇది మంచి సమయం. ప్రమోషన్ కావాలన్నా, పెద్ద పదవి రావాలన్నా, మీ పనిలో గుర్తింపు పొందాలన్నా ఇదే సరైన సమయం. మార్చి 29 తర్వాత శని 11వ ఇంట్లోకి వస్తాడు. అప్పుడు కూడా మీకు ఉద్యోగంలో పురోగతి ఉంటుంది. కానీ అప్పుడు మీ స్నేహితులు, సహోద్యోగులు, పెద్దలు - వీళ్లందరి సహాయం మీకు చాలా అవసరం అవుతుంది. వీళ్ల సహకారంతోనే మీరు ముందుకు వెళతారు. మే 18 న రాహువు 10వ ఇంట్లోకి వస్తాడు. రాహువు వల్ల కొన్ని ఆకస్మిక అవకాశాలు వస్తాయి. అయితే జాగ్రత్తగా ఉండాలి. కొంతమంది మిమ్మల్ని మోసం చేయాలని చూస్తారు. మీ పై అధికారులతో కొన్ని సమస్యలు రావచ్చు. అందుకని ఎవరినీ ఆ గుడ్డిగా నమ్మకూడదు. మంచి వారితో మాత్రమే స్నేహం చేయాలి.

మే 14న గురువు 2వ ఇంట్లోకి వస్తాడు. కొత్త ఉద్యోగం కోసం ప్రయత్నిస్తున్న వారికి ఇది చాలా మంచి సమయం. మీరు బాగా మాట్లాడగలుగుతారు. మీలో ఆత్మవిశ్వాసం కూడా పెరుగుతుంది. ఇంటర్వ్యూలలో సెలెక్ట్ అయ్యే అవకాశాలు ఎక్కువ. ఉపాధ్యాయులు, రచయితలు, కళాకారులు, వక్తలు - ఇలా మాటలతో పనిచేసే వారికి ఇది చాలా మంచి కాలం. ఓపికగా, శ్రద్ధగా పనిచేయండి. తప్పకుండా మీరు ఉద్యోగంలో పురోగతి సాధిస్తారు. ఈ సమయంలో మీ మాటకు విలువ పెరగడమే కాకుండా మీ సలహా పాటించి లాభపడేవారు కూడా ఉంటారు.

కొత్తగా ఉద్యోగ ప్రయత్నం చేస్తున్న వారికి లేదా చేస్తున్న ఉద్యోగంలో పదోన్నతి కొరకు ప్రయత్నిస్తున్న వారికి ఈ సంవత్సరం ద్వితీయార్థంలో వారు కోరుకున్న ఉద్యోగం కానీ పదోన్నతి కానీ లభిస్తుంది. ఈ సంవత్సరం శని మరియు గురువు గోచారం అనుకూలంగా ఉంటుంది కాబట్టి ఉద్యోగాల్లో పేరు ప్రఖ్యాతులు పొందగలుగుతారు అంతేకాకుండా ప్రభుత్వ గుర్తింపు కూడా పొందే అవకాశం ఉంటుంది. ఉద్యోగంలో వచ్చే అవకాశాల్లో సరైన వాటిని ఎంచుకున్నట్లయితే తర్వాత ఇబ్బంది పడే అవకాశం ఉంటుంది కాబట్టి వచ్చిన అవకాశాల్లో ఉత్తమమైన దానిని మాత్రమే ఎంచుకోవడం మంచిది. నాలుగవ ఇంటిలో కేతు గోచారం కారణంగా కొంతకాలం మీ ఇంటికి దూరంగా పనిచేయాల్సి రావడం జరుగుతుంది.

ఆర్థికంగా వృషభ రాశి వారికి 2025 లాభసాటిగా ఉంటుందా?

2025లో వృషభ రాశి వారికి ఆర్థిక పరిస్థితి బాగుంటుంది. డబ్బు బాగా సంపాదించే అవకాశాలు ఉన్నాయి. తెలివిగా పెట్టుబడులు పెడితే మంచి లాభాలు వస్తాయి.

సంవత్సరం మొదట్లో రాహువు 11వ ఇంట్లో ఉండటం వల్ల ఊహించని లాభాలు వస్తాయి. స్నేహితుల ద్వారా, కుటుంబ సభ్యుల ద్వారా కొంత డబ్బు చేతికి వస్తుంది. మీ అన్నయ్య, అక్క లేదా మీకు చాలా ఆత్మీయులు, స్నేహితులు మీకు ఆర్థిక విషయాల్లో సహాయం చేస్తారు. డబ్బు ఎక్కడ పెట్టుబడి పెట్టాలో సలహా ఇస్తారు. అయితే మే వరకు గురువు గోచారం మొదటి ఇంట్లో ఉండటం వల్ల మీరు డబ్బు విషయంలో జాగ్రత్తగా ఉండాల్సి ఉంటుంది. ఆర్థికంగా లాభాలు వచ్చినప్పటికీ సరైన వాటిలో పెట్టుబడి పెట్టకపోవడం లేదా అనుకున్న దానికంటే ఎక్కువగా ఖర్చు చేయడం వలన ఈ సమయంలో ఆర్థికంగా కొంత ఇబ్బంది పడే అవకాశం ఉంటుంది.

మే 14న గురువు 2వ ఇంట్లోకి వచ్చిన తర్వాత మీ ఆదాయం పెరుగుతుంది. డబ్బు బాగా సమకూరుతుంది. ఇల్లు, బంగారం, వాహనం - ఇలాంటివి కొనాలని చూస్తున్న వారికి ఇది చాలా మంచి సమయం. భూమి, ఇల్లు వంటి స్థిరాస్తుల్లో పెట్టుబడి పెడితే భవిష్యత్తులో మంచి లాభాలు వస్తాయి. ఎక్కడైనా డబ్బు ఆగిపోతే తిరిగి వస్తుంది. ఆర్థికంగా మీకు ఎలాంటి ఇబ్బందులు ఉండవు. ఈ సంవత్సరం శని మరియు గురువు గోచారం ద్వితీయార్థంలో అత్యంత అనుకూలంగా ఉంటుంది కాబట్టి వీలైనంతవరకు వచ్చిన ఆదాయాన్ని పెట్టుబడి పెట్టే ప్రయత్నం చేయటం వలన మంచి లాభాలు రావడమే కాకుండా భవిష్యత్తులో ఆర్థిక సమస్యలు లేకుండా మిమ్మల్ని మీరు కాపాడుకోగలుగుతారు.

మే 18న రాహు 10వ ఇంట్లోకి వస్తాడు. అప్పుడు కొంచెం జాగ్రత్తగా ఉండాలి. వ్యాపారంలో లేదా ఏదైనా పెట్టుబడి పెట్టేటప్పుడు రిస్క్ తీసుకోకూడదు. రాహువు వల్ల త్వరగా డబ్బు సంపాదించే అవకాశాలు వచ్చినా, ఆలోచించి నిర్ణయం తీసుకోవాలి. అనవసర ఖర్చులు చేయకూడదు. ఎక్కువ లాభాలు వచ్చే పెట్టుబడుల గురించి ఆర్థిక నిపుణులను సంప్రదించి తెలుసుకోవాలి. తెలివిగా ఆలోచిస్తే, జాగ్రత్తగా ఖర్చు చేస్తే 2025లో మీరు ఆర్థికంగా చాలా బాగుపడతారు.

కుటుంబ సభ్యులతో సంబంధాలు ఎలా ఉంటాయి? వృషభ రాశి కుటుంబ జీవితం 2025

2025లో వృషభ రాశి వారికి కుటుంబ జీవితం ఆనందంగా, సంతోషంగా ఉంటుంది. గురువు మొదటి ఇంట్లో ఉండటం వల్ల కుటుంబ సభ్యులందరూ కలిసిమెలిసి ఉంటారు. ఒకరికొకరు సహాయం చేసుకుంటారు. ఇంట్లో ఆనందం, సరదా నిండి ఉంటుంది. భార్యాభర్తల మధ్య ప్రేమ, అనురాగం పెరుగుతాయి. ఈ సమయంలో ఎక్కువగా ప్రయాణాలు చేసే అవకాశం ఉంటుంది. ముఖ్యంగా కుటుంబ సభ్యులతో కలిసి ఆధ్యాత్మిక క్షేత్ర సందర్శనం కానీ వినోద క్షేత్ర సందర్శనం కానీ చేస్తారు. అయితే ప్రయాణాల్లో ఆరోగ్య విషయంలో జాగ్రత్త అవసరం. ఒకటో ఇంటి లోపల గురువు గోచారం శారీరక ఆరోగ్యం పట్ల జాగ్రత్త వహించాలని సూచిస్తుంది.

మే నెలలో గురువు 2వ ఇంట్లోకి వస్తాడు. అప్పుడు కుటుంబంలో పెళ్లిళ్లు లేదా పుట్టిళ్లు వంటి శుభకార్యాలు జరిగే అవకాశం ఉంది. బంధువులతో మీ సంబంధాలు మెరుగుపడతాయి. కుటుంబ సభ్యులతో కానీ మిత్రులతో కానీ గతంలో ఎవరితోనైనా అనుబంధం తగ్గిపోయి ఉంటే తిరిగి కలుసుకుంటారు. అంతేకాకుండా అత్తమామలతో మంచి సంబంధాలు ఏర్పడతాయి. మే 18 తర్వాత కేతువు గోచారం వల్ల మీ అమ్మ లేదా ఇంట్లో పెద్దల ఆరోగ్యం గురించి కొంచెం జాగ్రత్తగా ఉండాలి. వారిని డాక్టర్ దగ్గరకు తీసుకువెళ్లి తనిఖీ చేయించండి. వారికి మీ సహాయం, సపోర్ట్ అవసరం అవుతుంది.

ఈ సంవత్సరం కుటుంబ పరంగానే కాకుండా సమాజ పరంగా కూడా మీకు మంచి ఫలితాన్ని ఇస్తుంది. సమాజంలో మీ పేరు ప్రతిష్టలు పెరుగుతాయి. ఏవైనా సామాజిక కార్యక్రమాల్లో పాల్గొంటారు. ఇతరులకు సహాయం చేస్తారు. దానధర్మాలు చేస్తారు. ఇవన్నీ మీకు మంచి పేరు తెస్తాయి. మొత్తం మీద చూస్తే 2025లో మీ కుటుంబం మీకు ఒక బలంలా, ఆనందంలా ఉంటుంది. కుటుంబ సభ్యుల ప్రేమ, సహకారం వల్ల మీరు నిర్భయంగా మీ లక్ష్యాల వైపు ముందుకు సాగగలుగుతారు.

ఆరోగ్యం పట్ల వృషభ రాశి వారు 2025లో ఏ విధంగా జాగ్రత్త వహించాలి?

2025లో ఎక్కువ భాగం వృషభ రాశి వారికి ఆరోగ్యం బాగానే ఉంటుంది. శరీరం దృఢంగా, మనసు ప్రశాంతంగా ఉంటుంది. సంవత్సరం మొదట్లో గురువు మొదటి ఇంట్లో ఉండటం వల్ల మీకు మంచి ఆరోగ్యం, సానుకూల దృక్పథం కలుగుతాయి. మీ బాధ్యతలను సమర్థవంతంగా నిర్వర్తిస్తూ, సమతుల్యమైన జీవనశైలిని కొనసాగించగలుగుతారు. మంచి ఆహారం తీసుకుంటూ, క్రమం తప్పకుండా వ్యాయామం చేస్తూ, సరిపడా నిద్ర పోతూ ఉంటే సంవత్సరం పొడవునా మీరు ఆరోగ్యంగా ఉంటారు.

సంవత్సరం మొదట్లో గురువు గోచారం ఒకటవ ఇంటిలో ఉండటం వలన శారీరకంగా కొన్ని ఇబ్బందులను ఎదుర్కొనే అవకాశం ఉంటుంది. ముఖ్యంగా కాలేయము, తల, మరియు రోగనిరోధక శక్తికి సంబంధించిన ఆరోగ్య సమస్యలను ఎదుర్కునే అవకాశం ఉంటుంది. ఈ సమయంలో వీలైనంతవరకు సరైన ఆహారపు అలవాట్లను పాటించడం మంచిది. మే నెలలో గురువు 2వ ఇంట్లోకి వచ్చాక మీ రోగనిరోధక శక్తి మరింత పెరుగుతుంది. సీజనల్ జబ్బులు మీ దరిచేరవు. అయితే జీర్ణక్రియ సమస్యలు లేదా చిన్న చిన్న గాయాలు అయ్యే అవకాశం ఉంది. వాటి గురించి కొంచెం జాగ్రత్తగా ఉండాలి. ధ్యానం, యోగా వంటివి చేస్తే మనసు ప్రశాంతంగా ఉంటుంది. ఏ చిన్న సమస్య వచ్చినా ధైర్యంగా ఎదుర్కోగలుగుతారు.

మే నెల నుండి రాహు 10వ ఇంట్లో ఉండటం వల్ల మీకు మానసిక ఒత్తిడి కొంచెం పెరిగే అవకాశం ఉంది. ముఖ్యంగా ఉద్యోగం, కుటుంబ బాధ్యతల వల్ల మీరు ఒత్తిడికి గురవుతారు. అందుకని మీ మనసును ప్రశాంతంగా ఉంచుకోవడానికి ప్రయత్నించాలి. కొంత సమయం విశ్రాంతి తీసుకోవాలి. మీకు ఇష్టమైన విషయాలు చేయాలి. క్రమం తప్పకుండా వ్యాయామం చేయాలి. ధ్యానం, ప్రార్థన వంటివి చేయాలి. ఇవన్నీ మీ శారీరక, మానసిక ఆరోగ్యాన్ని మెరుగుపరుస్తాయి. దీని వల్ల మీరు ఏ సమస్యనైనా ధైర్యంగా ఎదుర్కోగలుగుతారు.

వ్యాపారంలో విజయం సాధించాలనుకునే వృషభ రాశి వారికి 2025 ఎలా ఉంటుంది?

వ్యాపారం చేసేవారికి లేదా స్వయం ఉపాధిలో ఉన్న వృషభ రాశి వారికి, 2025 సంవత్సరం వ్యాపారాన్ని విస్తరించు కోవడానికి, విజయాలు సాధించడానికి చాలా అవకాశాలు తెస్తుంది. సంవత్సరం మొదలు చాలా బాగుంటుంది. శని 10వ ఇంట్లో ఉండటం వల్ల మీరు వ్యాపారం పట్ల చాలా శ్రద్ధగా, దృఢ సంకల్పంతో ఉంటారు. మీకు వ్యాపార తెలివితేటలు కూడా బాగా ఉంటాయి. కొత్త వ్యాపారాలు మొదలుపెట్టడానికి, భాగస్వామ్యంతో వ్యాపారం చేయడానికి, కొత్త మార్కెట్లలో ప్రయత్నించడానికి ఇది చాలా అనుకూలమైన సమయం. గురువు మీకు ఆశావాదం, ఆత్మవిశ్వాసం ఇస్తాడు. మీ లక్ష్యాలను సాధించడానికి ఉత్సాహంగా ప్రణాళికలు వేసుకుంటారు. ఇప్పటికే ఉన్న వ్యాపారాన్ని పెంచుకోవడానికి, కొత్త భాగస్వాములతో కలిసి పనిచేయడానికి కూడా ఇది చాలా అనుకూలమైన సమయం. గురువు కూడా మీకు సహాయం చేస్తాడు. మీలో ఆత్మవిశ్వాసం, ధైర్యం పెంచుతాడు. ఎలాంటి సమస్య వచ్చినా ధైర్యంగా ఎదుర్కొనేలా చేస్తాడు.

మే నెలలో గురువు 2వ ఇంట్లోకి వచ్చాక మీ వ్యాపారం మరింత అభివృద్ధి చెందుతుంది. ముఖ్యంగా ఆర్థిక, వ్యాపార, లగ్జరీ రంగాలలో ఉన్నవారికి చాలా లాభాలు వస్తాయి. మీ వ్యాపారం స్థిరంగా పెరుగుతుంది. కొత్త కస్టమర్లను సంపాదించుకుంటారు. కొత్త రకాల వస్తువులను అమ్మడం మొదలుపెడతారు. దీర్ఘకాలిక భాగస్వామ్యాలు ఏర్పరచుకుంటారు. అయితే మే చివర్లో రాహు 10వ ఇంట్లోకి వస్తాడు. అప్పుడు కొంచెం జాగ్రత్తగా ఉండాలి. రాహువు వల్ల ఆకస్మిక సమస్యలు లేదా పోటీ పెరిగే అవకాశం ఉంది. అందుకని ఎల్లప్పుడూ అప్రమత్తంగా ఉండాలి. వ్యాపారంలో ఎలాంటి మోసాలకు పాల్పడకూడదు. కస్టమర్లతో మంచి సంబంధాలు ఏర్పరచుకోవాలి. వ్యాపార రంగంలో ఉన్న పెద్దల సలహాలు తీసుకోవాలి. ఇవన్నీ మీ వ్యాపారానికి చాలా ఉపయోగపడతాయి. ధైర్యంతో పాటు జాగ్రత్తగా కూడా ఉంటే 2025లో మీ వ్యాపారం చాలా లాభదాయకంగా ఉంటుంది.

కళలు లేదా స్వయం ఉపాధి ద్వారా జీవనం కొనసాగిస్తున్న వారికి కూడా ఈ సంవత్సరం చాలా అనుకూలిస్తుంది. వారి ప్రతిభకు గుర్తింపు లభించడమే కాకుండా ఆర్థికంగా కూడా అనుకూలించడం వలన గతంలో ఉన్న ఆర్థిక సమస్యలు తొలగిపోతాయి మరియు కొత్త అవకాశాలతో ఈ సంవత్సరం ఆనందంగా కలుస్తుంది. అయితే ద్వితీయార్థంలో వచ్చే కొన్ని అవకాశాల విషయంలో జాగ్రత్తగా ఉండటం మంచిది. మీ ప్రతిభను కొంతమంది తమ లాభానికి వాడుకోవాలని చూస్తారు అటువంటి వారి విషయంలో జాగ్రత్తగా ఉండటం అవసరం.

విద్యార్థులకు 2025 శుభప్రదమా? వృషభ రాశి విద్యార్థులకు గురు గోచారం అనుకూలిస్తుందా?

2025 సంవత్సరంలో వృషభ రాశి వారికి విద్య, చదువు విషయంలో అనుకూల ఫలితాలు కనిపిస్తున్నాయి. గురువు మరియు శని మీకు ఏకాగ్రత, క్రమశిక్షణ మరియు విజయాన్ని అందిస్తారు. పోటీ పరీక్షలకు సిద్ధమవుతున్న విద్యార్థులకు గ్రహ స్థితులు చాలా అనుకూలంగా ఉన్నాయి. ముఖ్యంగా మే నెలలో గురువు రెండవ ఇంట్లోకి వచ్చాక మీ జ్ఞాపకశక్తి, మాట్లాడే తెలివితేటలు పెరుగుతాయి. చదువుకోవడానికి, పరిశోధన చేయడానికి, ఏకాగ్రత అవసరమయ్యే ప్రాజెక్టులు చేయడానికి ఇది చాలా మంచి సమయం.

ఉన్నత విద్య కోసం లేదా వృత్తి పరమైన సర్టిఫికేషన్లు పొందాలనుకునే వారికి కొత్త అవకాశాలు వస్తాయి. స్కాలర్‌షిప్లు, మార్గదర్శక కార్యక్రమాలు లేదా పరిశోధన అవకాశాల ద్వారా మీరు ముందుకు సాగగలుగుతారు. ఉపాధ్యాయులు, మార్గదర్శకులు మరియు సీనియర్ ప్రొఫెషనల్స్ మీకు సహాయం చేస్తారు. వారి సలహాలు, మార్గదర్శకత్వం మీకు చాలా ఉపయోగపడతాయి. విద్యా రంగంలో నిపుణులతో సంప్రదించడం, వర్క్‌షాప్లు మరియు సెమినార్లలో పాల్గొనడం వల్ల మీకు మరింత జ్ఞానం, కెరీర్ అవకాశాలు లభిస్తాయి.

క్రమశిక్షణతో, ఏకాగ్రతతో చదువుకుంటేనే మీరు విజయం సాధించగలరు. మే నెల తర్వాత రాహువు 10వ ఇంట్లోకి కేతువు 4వ ఇంట్లోకి వస్తాడు. దాని వల్ల కొన్ని సవాళ్లు ఎదురయ్యే అవకాశం ఉంది. ముఖ్యంగా చదువు విషయంలో భయం, మానసిక ఒత్తిడి ఎక్కువ అవుతుంది. ఎంత చదివినప్పటికీ, ఇంకా చదవలేదనే భయం కారణంగా మానసిక ఒత్తిడి ఎక్కువ అయ్యే అవకాశముంటుంది. ఈ మానసిక ఒత్తిడిని ఎదుర్కోవడానికి ధ్యానం, యోగా వంటివి చేయడమే కాకుండా మానసిక ఉల్లాసాన్నిచ్చే ఆటలకు కానీ వినోద కార్యక్రమాలకు కానీ కొంత సమయం కేటాయించడం మంచిది. దాని కారణంగా మానసిక ఒత్తిడి తగ్గడమే కాకుండా ఏకాగ్రతతో చదవగలుగుతారు. అంతేకాకుండా చదువు విషయంలో సాధ్యమయ్యే లక్ష్యాలను మాత్రమే పెట్టుకోండి. ఇవన్నీ పాటిస్తే 2025లో మీరు చదువులో మంచి ఫలితాలు సాధిస్తారు.

వృషభ రాశి వారికి 2025లో ఏ పరిహారాలు అవసరం?

వృషభ రాశి వారు ఈ సంవత్సరం ప్రథమార్ధంలో గురువుకు, ద్వితీయార్థంలో కేతువుకు పరిహారాలు ఆచరించాల్సి ఉంటుంది. మే వరకు గురువు గోచారం ఒకటవ ఇంటిలో ఉండటం వలన శారీరక ఆరోగ్య సమస్యలతో పాటుగా మానసిక సమస్యలు కూడా వచ్చే అవకాశం ఉంటుంది. ఈ సమయంలో మనం తప్పని తెలిసి కూడా తప్పులు చేయటం అలాగే కొన్నిసార్లు అహంకారం కారణంగా ఇతరుల మాటలను లెక్కచేయక ఇబ్బంది పడటం జరుగుతుంది. ఈ చెడు ప్రభావం తగ్గటానికి గురువుకు పరిహారాలు చేయటం మంచిది. దీనికిగాను ప్రతిరోజు లేదా ప్రతి గురువారం గురు స్తోత్ర పారాయణం చేయటం లేదా గురు మంత్ర జపం చేయటం మంచిది. ఇదే కాకుండా గురు చరిత్ర పారాయణం చేయటం కానీ లేదా గురు శుశ్రూష ( అంటే పెద్దవారిని గౌరవించడం మరియు వారికి సేవ చేయటం) చేయటం వలన గురు ప్రభావం తగ్గి శుభ ఫలితాలు వస్తాయి. నాలుగవ ఇంటిలో కేతువు గోచారం కారణంగా మానసిక ఆరోగ్యం సరిగా ఉండకపోవడం ప్రతి చిన్న సమస్యను కూడా పెద్దదిగా ఊహించుకొని బాధపడటం అలాగే కుటుంబ సభ్యుల విషయంలో కూడా అతి జాగ్రత్తలు తీసుకోవడం చేస్తారు. ఈ సమయంలో విద్యార్థులకు చదువు విషయంలో ఆటంకాలు ఏర్పడటం మరియు మానసిక సమస్యలు ఏర్పడటం జరుగుతుంది. ఈ చెడు ప్రభావం తగ్గటానికి కేతు పూజ చేయడం లేదా కేతు స్తోత్ర పారాయణం కానీ కేతు మంత్ర జపం కానీ చేయటం మంచిది. దీనివలన కేతు ఇచ్చే చెడు ఫలితాలు తగ్గుతాయి.

2025 సంవత్సర రాశి ఫలములు

Aries (Mesha Rashi)	Taurus (Vrishabha Rashi)	Gemini (Mithuna Rashi)
Cancer (Karka Rashi)	Leo (Simha Rashi)	Virgo (Kanya Rashi)
Libra (Tula Rashi)	Scorpio (Vrishchika Rashi)	Sagittarius (Dhanu Rashi)
Capricorn (Makara Rashi)	Aquarius (Kumbha Rashi)	Pisces (Meena Rashi)