మిథున రాశిఫలములు - తెలుగు రాశి ఫలాలు
2025 సంవత్సర రాశిఫలములు - ఉద్యోగం, ఆరోగ్యం, ఆదాయం, వ్యాపారం
Mithuna Rashi - Telugu Rashi Phalalu (Rasi phalamulu)
2025 Rashi phalaalu
Telugu Rashi Phalalu (Rasi phalamulu) - 2025 samvatsara Mithuna rashi phalaalu. Family, Career, Health, Education, Business and Remedies for Mithuna Rashi in Telugu
మృగశిర 3,4 పాదములు (కా,కి),
ఆరుద్ర 1,2,3,4 పాదములు(కు, ఘ, ఙ, ఛ)
పునర్వసు 1,2,3 పాదములు (కే,కో, హా)
2025 లో మిథున రాశిలో జన్మించిన వారి కుటుంబం, ఉద్యోగం, ఆర్థిక స్థితి, ఆరోగ్యం, విద్య, వ్యాపారం మరియు చేయాల్సిన పరిహారాలకు సంబంధించిన పూర్తి వివరాలతో కూడిన రాశి ఫలాలు
మిథున రాశి - 2025 రాశి ఫలాలు: అద్భుతమైన సంవత్సరమా? ఖర్చులు తగ్గుతాయా?
2025 సంవత్సరం మిథున రాశి వారికి గత సంవత్సరంకంటే అనుకూలమైన సమయాన్ని ఇస్తుంది. ముఖ్యంగా ఆర్థిక సమస్యలు, మానసిక సమస్యలు తగ్గుముఖం పడతాయి. సంవత్సరం ప్రారంభంలో, శని కుంభ రాశిలో 9వ ఇంట్లో సంచరిస్తాడు, అదే సమయంలో రాహు మీన రాశిలో 10వ ఇంట్లో సంచరిస్తాడు. దీని వల్ల ఉద్యోగ ఆకాంక్షలు మరియు ఆధ్యాత్మిక విషయాలపై దృష్టి పెరుగుతుంది. మార్చి 29న శని 10వ ఇంట్లోకి ప్రవేశించడం వల్ల ఉద్యోగం మరియు బాధ్యతలపై దృష్టి మళ్లుతుంది. ఇది కార్యాలయంలో సవాళ్లను మరియు అవకాశాలను రెండింటినీ తీసుకురావచ్చు. తరువాత, మే 18న రాహు కుంభ రాశిలోని 9వ ఇంట్లోకి మారడం వల్ల దూర ప్రయాణాలు, ఉన్నత విద్య మరియు తాత్విక అన్వేషణలపై ప్రభావం పడుతుంది. గురువు సంవత్సరం ప్రారంభంలో వృషభ రాశిలో 12వ ఇంట్లో సంచరిస్తాడు. దీని వల్ల ఆర్థిక సమస్యలు, కుటుంబ సమస్యలు, ఆధ్యాత్మిక వృద్ధి మరియు ఖర్చులపై స్వల్ప ప్రభావం ఉంటుంది. అయితే, మే 14న గురువు మిథున రాశిలోని మొదటి ఇంట్లోకి ప్రవేశిస్తాడు. దీని వల్ల ఆత్మవిశ్వాసం, ఆకర్షణ మరియు వ్యక్తిగత వృద్ధి పెరుగుతాయి. సంవత్సరం చివరలో గురువు కర్కాటక రాశి గుండా వేగంగా సంచరించి తిరిగి మిథున రాశిలోకి రావడం వల్ల మీ జీవితంలో చెప్పుకోదగిన మార్పులు చోటుచేసుకుంటాయి.
కెరీర్ లో మిథున రాశి వారికి 2025 పురోగతినిస్తుందా? 10వ ఇంటిలో శని ప్రమోషన్ ఇస్తాడా?
మిథున రాశి వారికి 2025 సంవత్సరం ఉద్యోగ జీవితంలో గణనీయమైన మార్పులు తెస్తుంది. సంవత్సరం మొదట్లో శని 9వ ఇంట్లో, రాహు 10వ ఇంట్లో ఉంటారు. ఈ సమయంలో మీరు మీ ఉద్యోగ లక్ష్యాల పట్ల, ఆశయాల పట్ల చాలా దృష్టి పెడతారు. ఉద్యోగం కోసం ప్రయాణాలు చేయాల్సి వస్తుంది. చాలాసార్లు మీ శక్తికి మించిన పనులు చేపట్టి ఇబ్బంది పడే అవకాశం ఉంటుంది. ఈ విషయంలో ఇతరుల మాటలకు పొంగిపోయి మీకు అనువుగాని పనులు చేపట్టకపోవడం మంచిది. శని తొమ్మిదవ ఇంట్లో సంచారం కారణంగా ఆధ్యాత్మిక విషయాల వైపు కూడా మీ ఆసక్తి పెరుగుతుంది. మార్చి 29న శని 10వ ఇంట్లోకి వస్తాడు. ఈ సమయంలో పదవ ఇంటిలో శని మరియు రాహు సంచారం కారణంగా మీ బాధ్యతలు పెరుగుతాయి, మరియు మీ ఉద్యోగంలో కొన్ని సవాళ్లు ఎదురవుతాయి. పని భారం పెరుగుతుంది. మీలో కొంత మందికి పెద్ద పదవులు వచ్చే అవకాశం ఉంది. శని 10వ ఇంట్లో ఉన్నప్పుడు మీరు చాలా కష్టపడి పనిచేయాలి. క్రమశిక్షణ చాలా ముఖ్యం. తక్కువ శ్రమతో సులువైన మార్గాల ద్వారా విజయం సాధించాలని చూడకూడదు. ఇది మీ పనిని మరింత పెంచే అవకాశం ఉంటుంది.
మే నెల కి ముందు కొత్త ఉద్యోగం కొరకు ప్రయత్నించడం లేదా ఉద్యోగంలో రిస్క్ తీసుకోవడం మంచిది కాదు. బదులుగా, మీరు ఇప్పటికే చేస్తున్న పనిలో మంచి పేరు సంపాదించుకోవడానికి ప్రయత్నించండి. మే 14 తర్వాత గురువు మొదటి ఇంట్లోకి వస్తాడు. అప్పుడు ఉద్యోగ పరిస్థితులు చాలా అనుకూలంగా ఉంటాయి. ముఖ్యంగా పెద్దల సలహాలు తీసుకునేవారికి, భాగస్వామ్యంతో వ్యాపారం చేసేవారికి ఇది చాలా మంచి సమయం. ఉద్యోగస్థులకు సంవత్సరం రెండవ భాగంలో ప్రమోషన్లు, మంచి స్థాన చలనాలు జరిగే అవకాశం ఉంది. కొత్త బాధ్యతలతో కూడిన పదవులు వస్తాయి.
మే 18న రాహు 9వ ఇంట్లోకి వస్తాడు. దీని వల్ల మీకు ఆధ్యాత్మిక విషయాలపై ఆసక్తి పెరుగుతుంది. మీకు ఇష్టం లేకపోయినప్పటికీ ఉద్యోగ రీత్యా దూర ప్రయాణాలు చేయాల్సి వస్తుంది. అంతేకాకుండా ఉద్యోగం కోసం స్థలం మారాల్సి వచ్చే అవకాశం కూడా ఉంది. కొత్త వాతావరణానికి, కొత్త అనుభవాలకు అలవాటు పడాల్సి ఉంటుంది. విదేశాల్లో పనిచేసే అవకాశాలు లేదా ఉన్నత శిక్షణ పొందే అవకాశాలు కూడా వస్తాయి. ఓపికగా, ఏకాగ్రతతో ఉంటూ, ప్రతి అనుభవం నుండి నేర్చుకుంటూ ఉంటే 2025లో మీరు ఉద్యోగంలో విజయం సాధిస్తారు. ఈ సంవత్సరం మీకు కొత్త పరిచయాలని మరియు అవకాశాల్ని కల్పిస్తుంది కాబట్టి వీటిని సద్వినియోగ పరచుకుంటే మీరు ఈ సంవత్సరాన్ని విజయవంతంగా పూర్తి చేయగలుగుతారు.
ఆర్థికంగా మిథున రాశి వారికి 2025 ఎలా ఉంటుంది? ఈ సంవత్సరమైనా ధన లాభం ఉందా?
మిథున రాశి వారికి 2025 ఆర్థికంగా కొన్ని ఒడిదుడుకులు తెస్తుంది. సంవత్సరం మొదట్లో కొంచెం జాగ్రత్తగా ఉండాలి. గురువు 12వ ఇంట్లో ఉండటం వల్ల ఖర్చులు ఎక్కువ అయ్యే అవకాశం ఉంది. ఊహించని ఖర్చులు వచ్చి మీరు ఆర్థిక ఇబ్బందులు పడవచ్చు. అందుకని డబ్బు విషయంలో జాగ్రత్తగా ఉండాలి. పెద్ద పెట్టుబడులు పెట్టకపోవడమే మంచిది. ఖర్చులను నియంత్రించుకోవడానికి ప్రణాళిక వేసుకోవాలి. లేదంటే నష్టాలు వచ్చే అవకాశం ఉంది. మార్చి 29 వరకు శని దృష్టి లాభ స్థానంపై ఉండటం వలన శ్రమకు తగిన ఫలితం లేదా పెట్టుబడి నుంచి తగిన లాభాలు లభించే అవకాశం తక్కువగా ఉంటుంది. వచ్చిన లాభాలు కూడా ఎక్కువ శ్రమ చేయడం ద్వారా లభించే అవకాశం ఉంటుంది.
మే 14 తర్వాత గురువు మొదటి ఇంట్లోకి వస్తాడు. అప్పుడు మీ ఆర్థిక పరిస్థితి మెరుగుపడుతుంది. మీలో ఆత్మవిశ్వాసం పెరుగుతుంది. డబ్బు సంపాదించే అవకాశాలు వస్తాయి. మీ ఆదాయం పెరుగుతుంది. మంచి పెట్టుబడి అవకాశాలు కూడా మీకు దొరుకుతాయి. పెద్దల సలహాలు మీకు ఉపయోగపడతాయి. సంవత్సరం రెండవ భాగంలో భూమి, ఇల్లు వంటి ఆస్తులు కొనడానికి ఇది మంచి సమయం. స్థిరాస్తుల్లో పెట్టుబడి పెడితే మీకు మంచి లాభాలు వస్తాయి. ఈ సమయంలో శని దృష్టి పన్నెండవ ఇంటిపై ఉంటుంది కాబట్టి ఖర్చుల విషయంలో తొందరపాటు పడటం అలాగే లాభాలు వస్తాయని భ్రమపడి నష్టం కలిగించే వాటిపై పెట్టుబడులు పెట్టకుండా జాగ్రత్తగా ఉండటం మంచిది.
మే 18న రాహు 9వ ఇంట్లోకి వస్తాడు. విదేశీ పెట్టుబడుల ద్వారా లేదా విదేశీ కంపెనీలతో కలిసి పనిచేయడం ద్వారా మీకు డబ్బు వచ్చే అవకాశం ఉంది. ఈ సమయంలో మీరు డబ్బు బాగా సంపాదిస్తారు. అయితే ఖర్చు చేసేటప్పుడు జాగ్రత్తగా ఉండాలి. అనవసర వస్తువులు కొనకూడదు. ప్రయాణం, విద్య, సమాచార రంగాలలో పెట్టుబడి పెడితే మీకు మంచి లాభాలు వస్తాయి. దీని వల్ల మీ ఆర్థిక స్థితి మరింత బలపడుతుంది.
కుటుంబ జీవితంలో మిథున రాశి వారికి 2025 సంతోషాన్నిస్తుందా? కుటుంబ సమస్యలు తగ్గుతాయా?
మిథున రాశి వారికి 2025 సంవత్సరం కుటుంబ జీవితం మంచిగానే ప్రారంభమవుతుంది. మొదట్లో గురువు 12వ ఇంట్లో ఉండటం వల్ల ఇంట్లో ప్రశాంతమైన వాతావరణం ఉంటుంది. కుటుంబ సభ్యులందరూ ఒకరినొకరు అర్థం చేసుకుంటారు. ఒకరికొకరు సహాయం చేసుకుంటారు. కుటుంబ సభ్యుల మధ్య బంధం బలపడుతుంది. ఇంట్లో ఆనందం నిండి ఉంటుంది. గతంలో ఏవైనా గొడవలు, అపార్థాలు ఉంటే వాటిని పరిష్కరించు కోవడానికి ఇది మంచి సమయం. అయితే కొన్నిసార్లు మీ జీవిత భాగస్వామితో మనస్పర్థలు ఏర్పడటం కానీ ఒకరికంటే ఒకరు ఆధిపత్యం చెలాయించాలనే ధోరణి కారణంగా కుటుంబంలో ఘర్షణ వాతావరణం ఏర్పడే అవకాశం ఉంటుంది. ఈ సమయంలో వీలైనంతవరకు సర్దుకుపోవటం మరియు ఎదుటివారి మనోభావాలను అర్థం చేసుకోవడం వలన సమస్యలు తగ్గుముఖం పడతాయి.
మార్చి 29న శని 10వ ఇంట్లోకి వస్తాడు. అప్పుడు మీ తల్లిదండ్రుల ఆరోగ్యం గురించి కొంచెం జాగ్రత్తగా ఉండాలి. వారికి మీ సహాయం, ఆదరణ అవసరం అవుతుంది. కుటుంబంలో ఎవరికైనా ఆరోగ్య సమస్యలు వస్తే ధైర్యంగా ఎదుర్కోవాలి. సంవత్సరం రెండవ భాగంలో గురువు మొదటి ఇంట్లోకి వస్తాడు. అప్పుడు కుటుంబంలో పెళ్లిళ్లు, పుట్టిళ్లు వంటి శుభకార్యాలు జరిగే అవకాశం ఉంది. ఇలాంటి సంఘటనల వల్ల మీకు చాలా ఆనందం, సంతృప్తి కలుగుతాయి.
సామాజికంగా కూడా ఈ సంవత్సరం మీకు అనుకూలంగా ఉంటుంది. స్నేహితులు, బంధువులు మీకు సహాయం చేస్తారు. సమాజంలో మీ పేరు ప్రతిష్టలు పెరుగుతాయి. కొత్త స్నేహాలు ఏర్పడతాయి. ఇవన్నీ మీ వ్యక్తిగత మరియు వృత్తి పరమైన జీవితానికి ఉపయోగపడతాయి. మే తర్వాత నుంచి ప్రయాణాలు అధికంగా చేయాల్సి వస్తుంది ముఖ్యంగా కుటుంబ సభ్యులతో కలిసి ఆధ్యాత్మిక క్షేత్ర సందర్శన చేయటం అలాగే శుభకార్యాలలో పాల్గొనడం చేస్తాను. మొత్తం మీద చూస్తే 2025లో మీరు కుటుంబ సభ్యులతో, స్నేహితులతో మంచి సంబంధాలు ఏర్పరచుకుంటారు. కుటుంబంలో ఐక్యత పెరుగుతుంది. సమాజంలో కూడా మీరు చాలా సంతోషంగా ఉంటారు.
ఆరోగ్య విషయంలో మిథున రాశి వారు 2025లో ఏం జాగ్రత్తలు తీసుకోవాలి?
మిథున రాశి వారు 2025 సంవత్సరం మొదటి కొన్ని నెలలు ఆరోగ్యం పట్ల శ్రద్ధ వహించాలి. గురువు 12వ ఇంట్లో ఉండటం వల్ల చక్కెర వ్యాధి, జీర్ణక్రియ సమస్యలు లేదా ఒత్తిడి సంబంధిత సమస్యలు ఉన్నవారికి కొన్ని ఇబ్బందులు ఎదురయ్యే అవకాశం ఉంది. అందుకని మంచి ఆహారం తీసుకోవాలి. క్రమం తప్పకుండా వ్యాయామం చేయాలి. క్రమశిక్షణతో కూడిన జీవనశైలిని పాటించాలి. ఇవన్నీ చేస్తే ఆరోగ్య సమస్యలు దరిచేరవు.
మే 14న గురువు మొదటి ఇంట్లోకి వస్తాడు. అప్పుడు మీ ఆరోగ్యం మెరుగుపడుతుంది. శరీరం దృఢంగా ఉంటుంది. రోగనిరోధక శక్తి పెరుగుతుంది. శాకాహారం తీసుకోవడం మంచిది. ఎక్కువగా తినకూడదు. అపరిపక్వ ఆహారం కానీ, చిరుతిండ్లు తినటం కానీ తగ్గించుకోవాల్సి ఉంటుంది. వీటి వల్ల మీకు జీర్ణక్రియ మెరుగు పడటమే కాకుండా ఆరోగ్యం కూడా బాగుంటుంది. యోగా, ధ్యానం వంటివి చేయడం వల్ల మానసిక ఒత్తిడి తగ్గుతుంది. ఏకాగ్రత పెరుగుతుంది. శరీరానికి బలం వస్తుంది.
మే వరకు రాహు మరియు కేతు గోచారం అనుకూలంగా ఉండదు కాబట్టి ఈ సమయంలో మానసిక ఆరోగ్యం పట్ల శ్రద్ధ వహించాలి. పదవ ఇంటిలో శని గోచారం మీకు బాధ్యతలు, పని భారం పెంచవచ్చు. దీని వల్ల మీరు ఒత్తిడికి గురయ్యే అవకాశం ఉంది. క్రమం తప్పకుండా వ్యాయామం చేయాలి. సమతుల్య ఆహారం తీసుకోవాలి. కొంత సమయం విశ్రాంతి తీసుకోవాలి. ఇవన్నీ చేస్తే 2025లో మీరు ఆరోగ్యంగా ఉంటారు.
వ్యాపారంలో ఉన్న మిథున రాశి వారికి 2025 లాభాలను ఇస్తుందా? కళాకారులకు కొత్త అవకాశాలు వస్తాయా?
మిథున రాశి వారు వ్యాపారం చేసే వారైతే లేదా స్వయం ఉపాధిలో ఉంటే, 2025లో వ్యాపార వృద్ధి విషయంలో కొంచెం జాగ్రత్తగా ఉండాలి. సంవత్సరం మొదట్లో గురువు 12వ ఇంట్లో ఉంటాడు. ఈ సమయంలో కొత్త వ్యాపారాలు మొదలుపెట్టడంకంటే ఇప్పటికే ఉన్న వ్యాపారాన్ని మెరుగుపరచుకోవడం పై దృష్టి పెట్టడం మంచిది. పెద్ద రిస్క్ ఉన్న పెట్టుబడులు పెట్టకూడదు. అధిక లాభాలను ఆశించి తొందరపాటుతో వ్యాపారాన్ని విస్తరించకూడదు. ఇది మీకు నష్టాన్ని ఇవ్వటమే కాకుండా భవిష్యత్తులో వ్యాపార అభివృద్ధికి ఆటంకంగా కూడా మారే అవకాశం ఉంటుంది.
మే 14 తర్వాత గురువు మొదటి ఇంట్లోకి వస్తాడు. అప్పుడు వ్యాపార పరిస్థితులు మెరుగుపడతాయి. ముఖ్యంగా భాగస్వామ్యంతో వ్యాపారం చేసేవారికి ఇది చాలా మంచి సమయం. మీ భాగస్వాములతో కలిసి కొత్త ఆలోచనలు అమలు చేయవచ్చు. కస్టమర్లతో మంచి సంబంధాలు ఏర్పరచుకోవచ్చు. వ్యాపారాన్ని విస్తరించాలనుకునే వారు సంవత్సరం రెండవ భాగంలో చేయడం మంచిది. ఆ సమయంలో మీ ఆదాయం పెరిగే అవకాశం ఉంది. కొత్త మార్కెట్లలోకి కూడా మీరు ప్రవేశించవచ్చు.
మే నెల తర్వాత రాహు 9వ ఇంట్లోకి వస్తాడు. వ్యాపారం కోసం ప్రయాణాలు చేయాల్సి వస్తుంది. విదేశీ కంపెనీలతో కలిసి వ్యాపారం చేసే అవకాశం ఉంది. ఆన్‌లైన్లో కూడా మీ వ్యాపారాన్ని విస్తరించవచ్చు. వీటన్నిటి వల్ల మీ వ్యాపారానికి మంచి లాభాలు వస్తాయి. ఓపికగా, తెలివిగా వ్యాపారం చేస్తే 2025లో మీరు స్థిరమైన వృద్ధిని సాధిస్తారు. దీర్ఘకాలిక విజయానికి బలమైన పునాది వేసుకోగలుగుతారు.
కళలు లేదా స్వయం ఉపాధి ద్వారా జీవనం సాగిస్తున్న వారికి ఈ సంవత్సరం ప్రథమార్ధంలో తక్కువ అవకాశాలు వచ్చినప్పటికీ ద్వితీయార్థంలో వారి నైపుణ్యాన్ని నిరూపించుకునే అవకాశాలు రావడమే కాకుండా వారికి ఆర్థికంగా కూడా సహాయపడుతుంది. ఈ సమయంలో ప్రయాణాలు కూడా అధికంగా ఉండే అవకాశం ఉంటుంది. అయితే శని గోచారం పదవ ఇంటిలో ఉండటం వలన మీరు కొత్త అవకాశాలు సాధించడానికి ఎక్కువగా ప్రయత్నించాల్సిన అవసరం ఉంటుంది.
విద్యార్థులకు 2025 విజయాలను అందిస్తుందా? మిథున రాశి విద్యార్థులకు గురు గోచారం లాభిస్తుందా?
మిథున రాశి వారికి 2025 సంవత్సరంలో చదువు విషయంలో గ్రహ స్థితులు అనుకూలంగా ఉన్నాయి. శని మరియు గురువు మీకు ఏకాగ్రత, క్రమశిక్షణ మరియు వృద్ధిని అందిస్తారు. పోటీ పరీక్షలకు సిద్ధమవుతున్న విద్యార్థులకు సంవత్సరం మొదలు చాలా అనుకూలంగా ఉంటుంది. గ్రహ స్థితులు మీ దృఢ సంకల్పాన్ని, ఏకాగ్రతను పెంచుతాయి. ఉన్నత విద్య కోసం లేదా స్కాలర్షిప్లు పొందాలనుకునే వారికి కూడా ఈ సంవత్సరం అనుకూలంగా ఉంటుంది. ముఖ్యంగా మే నెల తర్వాత గురువు మీ విద్యా ప్రయత్నాలకు మద్దతు ఇస్తాడు.
అయితే ఈ సంవత్సరం మే వరకు కేతు గోచారం నాలుగవ ఇంటిలో ఉండటం వలన చదువు విషయంలో కొన్ని ఆటంకాలు ఎదురయ్యే అవకాశం ఉంటుంది. ఈ సమయంలో ఎక్కువ సార్లు ప్రయత్నించడం మరియు మానసికంగా ధైర్యంగా ఉండటం వలన ఈ సమస్య నుంచి బయటపడే అవకాశం ఉంటుంది. ద్వితీయార్థంలో రాహు గోచారం తొమ్మిదవ ఇంటిలో ఉండటం వలన విదేశాల్లో ఉన్నత విద్యాభ్యాసం చేయాలనుకునేవారు మీరు చదవాలనుకునే విద్యాలయాలను ఎంచుకునే విషయంలో నిపుణుల సలహాలను తీసుకొని ప్రయత్నించడం మంచిది. మీరు తొందరపడి సొంతంగా ప్రయత్నించడం వలన మీకు ఉపయోగపడని విద్యాలయాల్లో లేదా కోర్సుల్లో అడ్మిషన్లు లభించే అవకాశం ఉంటుంది.
మే నెల తర్వాత మీ నేర్చుకునే శక్తి పెరుగుతుంది. ఏదైనా ప్రత్యేక కోర్సులు చేయాలనుకుంటున్నారా? టెక్నికల్ ట్రైనింగ్ తీసుకోవాలనుకుంటున్నారా? కొత్త నైపుణ్యాలు నేర్చుకోవాలనుకుంటున్నారా? ఇది చాలా మంచి సమయం. సర్టిఫికేషన్లు లేదా ప్రొఫెషనల్ కోర్సులు చేసి ఉద్యోగంలో పురోగతి సాధించాలనుకునే వారికి కూడా ఇది చాలా అనుకూలమైన సంవత్సరం. మార్గదర్శకులు, సీనియర్లతో మీకు మంచి సంబంధాలు ఏర్పడతాయి. వారి సలహాలు మీకు చాలా ఉపయోగపడతాయి. క్రమశిక్షణతో, ఏకాగ్రతతో చదువుకుంటే 2025లో మీరు మీ విద్యా లక్ష్యాలను సాధిస్తారు.
మిథున రాశి వారికి 2025లో ఏ పరిహారాలు చేయాలి?
మిధున రాశి వారు ఈ సంవత్సరం ప్రథమార్ధంలో గురువుకు మరియు కేతువుకు పరిహారాలు చేయాల్సి ఉంటుంది. గురు గోచారం మే వరకు 12 ఇంటిలో ఉండటం వలన ఆర్థికంగా ఇబ్బందులు ఏర్పడటం మరియు కుటుంబ సమస్యలు రావటం జరుగుతుంది. . ఈ సమస్యల నుంచి బయటపడడానికి ప్రతిరోజు లేదా ప్రతి గురువారం గురు స్తోత్ర పారాయణం చేయటం లేదా గురు మంత్ర జపం చేయటం మంచిది. దీనితో పాటుగా గురు చరిత్ర పారాయణం చేయటం లేదా పెద్దవారికి సహాయపడటం అలాగే విద్యార్థులకు వారు చదువు విషయంలో ఆర్థికంగా కానీ ఇతరత్రా కానీ సహాయం చేయటం వలన గురువు ఇచ్చే చెడు ప్రభావం తగ్గుతుంది. మే వరకు కేతు గోచారం నాలుగవ ఇంటిలో ఉంటుంది కాబట్టి ఈ సమయంలో కుటుంబ సభ్యుల విషయంలో ఎక్కువగా ఆందోళన చెందటం అలాగే విద్యార్థులకు చదువు విషయంలో ఆటంకాలు ఏర్పడటం జరుగుతుంది. కేతు ఇచ్చే చెడు ప్రభావం తగ్గడానికి ప్రతిరోజు లేదా ప్రతి మంగళవారం కేతు స్తోత్ర పారాయణం చేయటం లేదా కేతు మంత్ర జపం చేయటం మంచిది. . అంతేకాకుండా గణేష ఆరాధన చేయడం కూడా కేతువు ఇచ్చే చెడు ప్రభావాన్ని తగ్గిస్తుంది.
Daily Horoscope (Rashifal):
English, हिंदी, and తెలుగు
January, 2025 Monthly Horoscope (Rashifal) in:
Click here for Year 2025 Rashiphal (Yearly Horoscope) in
2025 సంవత్సర రాశి ఫలములు
Aries (Mesha Rashi) |
Taurus (Vrishabha Rashi) |
Gemini (Mithuna Rashi) |
Cancer (Karka Rashi) |
Leo (Simha Rashi) |
Virgo (Kanya Rashi)
|
Libra (Tula Rashi) |
Scorpio (Vrishchika Rashi) |
Sagittarius (Dhanu Rashi) |
Capricorn (Makara Rashi) |
Aquarius (Kumbha Rashi)
|
Pisces (Meena Rashi)
|
Free Astrology
Newborn Astrology, Rashi, Nakshatra, Name letters
Are you confused about the name of your newborn? Want to know which letters are good for the child? Here is a solution for you. Our website offers a unique free online service specifically for those who want to know about their newborn's astrological details, naming letters based on horoscope, doshas and remedies for the child. With this service, you will receive a detailed astrological report for your newborn.
This newborn Astrology service is available in
English,
Hindi,
Telugu,
Kannada,
Marathi,
Gujarati,
Tamil,
Malayalam,
Bengali, and
Punjabi,
French,
Russian, and
German. Languages. Click on the desired language name to get your child's horoscope.
Star Match or Astakoota Marriage Matching
Want to find a good partner? Not sure who is the right match? Try Vedic Astrology! Our Star Matching service helps you find the perfect partner. You don't need your birth details, just your Rashi and Nakshatra. Try our free Star Match service before you make this big decision!
We have this service in many languages:
English,
Hindi,
Telugu,
Tamil,
Malayalam,
Kannada,
Marathi,
Bengali,
Punjabi,
Gujarati,
French,
Russian, and
Deutsch
Click on the language you want to see the report in.